اخر محطاتي قصيده !!!

[الشاعر ماجد الدعمي]

بطلت ما احبن بعد
وراح اذبح احساسي
واشلع ورد حبكم
والشيب البراسي !
وووووين اني اخذني الدرب ؟
(عيسى ) اعله عود انصلب
وبعيوني ودكم شمس
وتبقون اعز ناسي
ابالي صبح ومسه
وشجار بي الوكت
ولا لحظه جت ناسي
واني ومحطه العمر
منظل بعد ننتظر
اغرك واكله بعد
ويخنكني ابوس ايده
ودك بابي بيده امس
وحسبالي اسمع همس
عن دربي كلي ارتحل !!
كافي تظل عثره !
ودار بعيوني الدمع
والحسره كد السمه
مو هذا الانتظره
ولميت بيدي العمر
الخلصته متطشر
وحيطان المحطه بجت
ورديت اجر الالم
ويادمعي وووين ابجيه ؟
واحركت كل الشعر
والمن بعد احجيه ؟؟
وبطلت اكتب شعر
وراح احرك اوراقي
ثلثين عمري انهدم
جا شلي بالباقي ؟
واني وي ليلي ربع
يعرفني ليش اسهرهه
ومن ابجي يسمعني
وصاني طلك الشعر
وذب الورق والقلم
خلصت عمرك بجي
جا منهو يبجيلك ؟
والي زرعته امل
من ايدي جر الامل
وكال ابتعد لا تجي
تعبني هذا الحجي
ورديت اجر الجدم
وياصبعي اعضه ندم
العندي بغلات العمر
شو كلي لتجيني !!
واحلفت اكتب شعر
ولا حرف اخطه بعد
وراح اكسرك ياقلم
ولو نوت تكتب بعد
بنار احركج ايدي
هذي نهاية سفر
باخر محطه انتهت
وكل الحجيته انسه
والم ثوب البسه
اسأل علي الدرب
واتمعن برده
عمره الكضه بدركم
والراح شيرده
مودع بالله الشعر
ومودع انت وياه
العمر ريشه وعلت
بياكاع راح الكاه ؟؟
عبالي جفك وكه
لو طاح تتلكاه ؟
وعبالي حجي الك
انت تعرف معناه ؟
اخر قصيده الك
اكتبها بدموعي
طفي شموع الفرح
ولاتتنه ارجوعي
واحركت كل الشعر
والمن بعد احجيه ؟؟
وبطلت اكتب شعر
وراح احرك اوراقي
ثلثين عمري انهدم
جا شلي بالباقي ؟

تحياتي انا ماجد الشاعر واسف للاطاله
مع تمنياتي للجميع بالصحه

[أنثى شرقية]

واني ومحطه العمر
منظل بعد ننتظر
اغرك واكله بعد
ويخنكني ابوس ايده
ودك بابي بيده امس
وحسبالي اسمع همس
عن دربي كلي ارتحل !!
كافي تظل عثره !
ودار بعيوني الدمع
والحسره كد السمه
مو هذا الانتظره
ولميت بيدي العمر
الجان متطشر
وحيطان المحطه بجت
ورديت اجر الالم
ويادمعي وووين ابجيه ؟
واحركت كل الشعر
والمن بعد احجيه ؟؟
وبطلت اكتب شعر
وراح احرك اوراقي
ثلثين عمري انهدم
جا شلي بالباقي ؟

****
اي والله وصح لسانك يامبدع بابا ماجد قصيدة وسطور رائعه كما عودتنا دوما تحكي واقع حال وصور معبرة اخترت لنا اليوم

ربي يوفقك ويحرسك
وننتظر كل ماهو جديد من قلمك
فلاتحرمنا ابدااا
بنيتك حلومة

[ام علاوي]

ماجد الشاعر...
معزوفة رائعة تلاعبت على اوتارها بحرفية لا تليق الا بالمبدعين
احرفك نسائم.. تتدفق الى جوفي لتنعش جميع حواسي بعبقها الفواح
مبدع كعادتك
استمر بالله عليك
لروحك عبق الخزامى

[السومري71]

لطالما كان القلم هو المتنفس الوحيد لآلامنا وأوجاع الماضي

وبين الحين والآخر نرحل عنه هاربين من فضحه لجراحاتنا

لكن لا مفرّ من العودة إليه بشوق أكبر نغرزه في صفحاتنا

وينزف حبره ممزوجاً بنزف قلوبنا المتعبة ...
أخي ماجد
قصيدة مملؤة بشجن وحزن ووحدة
قكانت كلماتك نازفه بالآهات وبالتمني
اعجبني كثيرا بوح قلمك
ننتظر منك الجديد
كن بخير

تحية حب وتقدير اخي الشاعر
ماجد الدعمي
دام هذا الابداع
تقبل مروري
تمنياتي لك بالخير والسلامه

[الشاعر ماجد الدعمي]

شكرا لكم احبتي وممنون جدا لمروركم العطر
احلام الغاليه
ام علاوي المميزه
اخواني الاعزاء الاعزاء
السومري الغالي
والعقابي زهير
شكرا لكم من القلب ولتواجدكم المميز
ولكل الفراتيين سواء مروا من هنا او لم يمروا
اليت ان تكون هذه بصمتي الاخيره
على ساحة فرات الابداع
لكم من القلب كل التحايا
واذكروني بخير كوني لن انساكم
والكلام يطول
اخوكم ماجد الشاعر
في امان الله

[الغربه]

صح لسانك اخي الفااضل ماجد
لقد ابدعت بالقصيده تحيتي لك

[الشاعر ماجد الدعمي]

الغربه
لك ودي وشكرا للمرور الجميل
نورتي الموضوع