أحضنه لو سهم جاني
تعاتبني على الفركَه وانه من عليه أعتب ؟
أشوف الدنيا مكَلوبه وجرحي ضاع بيه الطب
أحب الشمس والكَمره وأحب الحمره بخدودك
وأحب الشط وأمواجه أحبه من يمر صوبك
ومَن أمشي على بختج يماشيني على دروبج
وأظل سهران طول الليل أظل أنطر مواعيدج
نسيتي كَليبي الصافي خليني برسم عودج
تعاتبني على الفركَه
وأنه من عليه أعتب
مثل نورالكًمر خدك أظن أكثر من يدري
ولو مر الشمال أفرح لَنْ عطره مثل عطرك
لَن الهوى ما يجذب إذا مر بسحر وصلك
كل ذنبي بعدت عنك وشلت همي على همك
وردت فد يوم يجمعني سراب الدهر وَيْ دهرك
عسى الأيام تجمعنا وأزرع زهري من زهرك
وأنثر بالدرب ريحان لَن اسمك نجم سعدك
تعاتبني على الفركَه
وأنه من عليه أعتب
حريمه ما شفت بعدك ورد جوري يرد الروح
وكَمت أسأل عن الدنيا شفت بيها الخيانه تفوح
هذا نسى خلانه وذاك من المرار يبوح
وذاك مهاجر وغايب عليه كل الأسف والنوح
وهذا عالرصيف ينام .. جايع والجسم مذبوح
وذاك اللي نسى إسمه حزين بدنيته مجروح
غاب وضاع عنوانه مثل شمس التجي وتروح
تعاتبني على الفركَه
وأنه من عليه أعتب
يسألني عن العنوان أكَله النهر عنواني
ولو صرصر بأمواجه أحضنه لو سهم جاني
ومن اسمه كتبت إسمي ومن الحانه أشجاني
غنى الطير بحروفه لحن معشوكَـ وجداني
تبسّم يا بعد روحي وخلي الليل يلفاني
بسهم موجه ذبح روحي نساني ونسى عنواني
أكَله ليش ما تسأل ؟ يكَلي أنت تنساني
تعاتبني على الفركَه
وأنه من عليه أعتب
وارد ردود أذكرهم وأتسلى بظلام الليل
واشاهد بختي ويْ بخته يعاكس كل نجومي سهيل
وأحط إيدي بوسط مايه .. ومايه معطرة بالهيل
وأشرب رشفه من مايك ترى بدونك يهد ّالحيل
أنت مو بعيد أنت .. أصبر لو يفيض الكيل
هذا هْوَ العراق اللي يناديني بهزيم الليل
تعاتبني على الفركَه
وأنا من عليه اعتب
محمد شرف الشريف المدلي
عمدة التوبي السابق القطيف
المملكة العربية السعوية