ما اريدك بعد !!!

[الشاعر ماجد الدعمي]

ماريدك بعد
لتدك علي الباب
وبكد ماتنيتك انت ناسيني !
ادورك عليك تدري
واشكد الك غنيت
وبنار البعد كل لحظه تجويني
مابعتك ابد
وابالي صار سنين
وتانيت واكول اليوم يشريني
مره يوم اعله يوم
ودنيا بينه ادور
وبهرجته الوكت ماكدر يغريني
غيرك مالكيت ولو اريد الكيت
وشو صفحه بحياتك هيجي تطويني
ما محتاج دمعك لاعطف محتاج
انه الليل الطويل بحركه يبجيني
راويتك جروحي وشكثر بيه احاه
وانت سهام غدرك شو تراويني
ماريدك بعد ..
انطيني عمري الفات
كافي ذراع حسنك هيج يلويني
ماريدك بعد ...
متكلي كلبك وين ؟؟؟
ضيعني وضعت والتاهن سنيني
ليش بياذنب شنو الجنيته وياك
جيه احبك صدك بسهوله ترميني
تيه انت بدلالك والعمر دولاب
تدور باجر اعليه اووين تلكيني ؟
راح اكتب قصيده وراح اكلك روح
ولاراح اتوسلك من تفرغ اتجيني
ماريدك بعد
لتدك علي الباب
بكد ماتنيتك انت ناسيني!!!

ماجـ الشاعر ــــــد

[أنثى شرقية]

ماريدك بعد ...
متكلي كلبك وين ؟؟؟
ضيعني وضعت والتاهن سنيني
ليش بياذنب شنو الجنيته وياك
جيه احبك صدك بسهوله ترميني
تيه انت بدلالك والعمر دولاب
تدور باجر اعليه اووين تلكيني ؟
راح اكتب قصيده وراح اكلك روح
ولاراح اتوسلك من تفرغ اتجيني
ماريدك بعد
لتدك علي الباب
بكد ماتنيتك انت ناسيني!!!

*****
بابا ماجد المبدع والشاعر الارتجالي دوما بسطوره
لا تعليق يوفي حق هذه الكلمات سوى دعائي الك بالموفقيه والصحه والعافيه دوما
ولا تحرمنا جديد قلمك المميز
بنيتك
حلومة

[ام فيصل]

نبرة جديدة من الماجد لم نعتد عليها
بعيدة عن الهمس والشوق ولواعج الهوى
ثورة بالكلمات
عتــاب ولوم
يأس وقنــوط

,,,,,,,,,, قـد تكون بداية جديدة لوجه آخر للماجد
يرينا من خلاله ابداعه في حالة التمرد كما هي في حالة العشق

شكرا لك على كل كلمة كتبت
وكل حرف أثــر في النفس

اطيب تحياتي لصانع الإحساس

[السومري71]

قصيدة رائعه تحمل الكثير من العواطف والأوجاع
هي انتفاضة قلب اتعبه الهجر والغدر
اخي الشاعر
كل الشكر على هذا البوح الراقي
وعلى هذا الأحساس النابض
الذي ترجمه يراعك بكلمات صلبة حادة كالسيف
خالص تحياتي

[ام علاوي]

الله عليك يامبدع

بوح رائع ومداد فياض

يسعدني التواجد دائما بين حروفك

فهنيــئـآ لقلم تضمــه يدآك..!

وهنيـــئآآ لقلب يبوح

بذآلك الإحســآآس..

وهنيــئآ لعيني قرآءة

كلمـآتـك الرآئعــه..

كنت كما انت دائما
تحياتي

[الشاعر ماجد الدعمي]

الغاليه حلومه يسعدني جدا
ان تكوني هنا نورتي الموضوع
دعائي لك بالصحه
والتوفيق

[الشاعر ماجد الدعمي]

تحياتي للغاليه ام فيصل
وشكرا للمرور المميز والكلمه القصيده
كما تعلمين الشاعر لسان حال الشارع
ليس بالضروره مايكتبه الشاعر يعبر
عن حاله يعيشها هو
تحياتي لك ودعواتي لك بدوام الصحه

[الشاعر ماجد الدعمي]

اخي السومري الغالي
شكرا للمرور الجميل
ونورت الموضوع يسعدني دائما
تواجدك دمت بالف خير