نسم علينا الهوى
جم عيد اليجي ومانشتري هـــدوم ******** ثلث تيام كلنه ويخلص العـــــــيد
بسك ياوطن جلبت بالـــــــــــعوز ******** مو كلك نفط جابعد شتـــــــــــريد
مو عباس عندك ذب الجــــــفوف ******** وضـــــــــل ايقاتل بعينه وبلا ايد
الجيــــــش لوحده وهد كله عباس ******** كل قصده بربته ايشبعك ايـــــريد
تحمل كل هذاك العطش والجــوع ******** وتحــمل فركة اهله ووليت ايزيد
وهم بعدك مصر اتريد تـــــــغريد ******** والصـبح فيروز هم اندكلك اتريد
نسم علينه الهوى واختنكت الاطفال ******** من دخانك الحزمهم احـــــــزام
وطن تاكل زلم واتعــــارك بروس ******** لعـــــــبتك مو دعابل تلعب ايتام
عالعيشه اتعارك كلي جمــــــدوب ******** ماتحسب احســــــابك كاعد بجام
اسف ياوطن تعبتك ويـــــــــــــاي ******** واليوم اعتقد ماتكدر اتـــــــــــنام
بس حقي امن اسولف واعتب عليك ******** الحـــــــسرات بيه بطول الايام
من ذاكرتي
طه طعمه العكيلي
رد مع اقتباس
