البو نجاد
تظل الحـروف ايتام وبساحة وصفهم حايره
البو نجاد رجال جزلين المـــــــرؤه والكــرم
وحتى نســاهم بالحرب شــيهان جتك غايره
البو نجاد نجــوم واعـــلام وتعلــت عالقمــم
ما تنوصــف اخلاقهــم لاصـارت ولا صايره
البو جبر وافيـــن والحوري هم اهــل الشيم
وتلگى الذهانه بالمهيري من الطفوله فايره
والمصطفــى هيهات واحدهم بهرجـــه انثلم
تنوخ القوافــي بحضرتـه زافات جته طايره
والاّ الامــام البالعلم نافــو على اعلــى علــم
رجــال دين ومرجلـــه وعلــوم منهم باهـره
والبـــو جحــش والرملــي والعكلـــي الــندم
يمـلا عدوهـــم لو لفو مثل الشــرر متطايره
العبــدان هم والشــبالي اگدر اقسـملك قســم
تقرا المروءه بالوجــوه السـمر كلها ظاهره
والبغــزاة اللي تعـــدى طيبهـــم كل القيـــــم
لافيهــم السوى الردي ولا منهم ابن البايره
ذخــــري الفرج لو صـــــار في روحي الالم
ابن اختي رافــع والنعم زلزال لو طب دايره
البو نجاد اللـــي تتلمـــــذ يونس وحب القلم
وفي مجالســهم بدا يكتب شــعر من خاطره
وصـــل سلامي يا قلم لاهل الحويجه والعلم
لكل نجادي من الطفل لكل الجموع الساهره
لاهل الكبــير ليا نطق الكل في هرجـه التزم
مو مثـــل بعض الملل البيناتهــــا متناحـــره
البو نجاد ليا كتبـــــنا فيهـم نفاخــــر امـــــم
تظل الحـروف ايتام وبساحة وصفهم حايره
الكناري
يونس الجبوري
3/6/2010
نشر بتاريخ 03-06-2010
رد مع اقتباس