رد: بعد مابيه اسامح واقبل اعذار بقلم سفيرة الشعر

[سفيره الشعر]

بعد مابيه اسامح واقبل اعذار
ولا اكدر بعد اضحك واجامل
جم دوب الصبر وليمته اضلن
زرع لحلوك شفرات المناجل
فلاحي انهظم من شاف عالكاع
رجل احبابه داست عالسنابل
العنف ماله ذنب ذنب القوانين
بيه انكتبت بروح التساهل


يسمعوني هجاء بليلة العيد
وانا بعاشور اواسيهم واغازل
على محمل حسن شايلهم سنين
كضت بذنوبهم كل المحامل
قطار الصبر بيه اشكد محطات
وياهم جزه وماكتله نازل
وهم اول محطه وريلهم صاح
هذا وياك حدي هنانه عاطل



الجذب منهم عرفته وصرت وياه
على عناد الصدك ضليت اماطل
باطلهم لبسته وكلت للناس
حك همه وصحت كلي انه باطل
اواسيهم دمع من عين الافراح
وبحزني اجوا صفكه وهلاهل
نسوا حبيتهم من دون البيوت
واسف حبهم توزع عالمنازل
اكص ايدي بعد لو اكتب اشعار
ولا ترسم بعد الهم انامل



اعاملهم جنت بالرقه واحساس
بصلافه وياي ردوه التعامل
صرت خيط بايديهم حتى يرضون
فروني بشكل فر المغازل
شجره انه اصبحت مابيهه اوراق
على الاغصان شيردهه البلابل
مااكدر اردن ضربة اعداي
وانا سيفي انثلم جم دوب اقاتل



اهتم لفرحهم واعلك شموع
واسف ينسون عيدي بكل تجاهل
بلياليهم شعلت الروح للشوف
بظلام عناد طفوهه المشاعل
بستات اكتبت الهم واغاني
وكتبولي نعي ومواله نايل
طبع ميزان طبعي ودوم اشيلن
ثكلهم وارفض احسان المقابل

قبلت بنزف جرحي والمه قابل
ونسيت اكبالي شامت والمقابل
طبع ميزان اشيلن والمقابل
هموم ثكال شايلهن عليه

[السومري71]

طبع ميزان طبعي ودوم اشيلن
ثكلهم وارفض احسان المقابل


الله عليك اختي سفيرة الشعر
قصيدة رائعه
ما اصعب على الأنسان ان يجد
آلامه سببها اقرب الناس اليه
تحياتي لك ولقلمك المبدع

[محمود شاكر الهلالي]

روعه روعه جدا كتاباتك ام مريم وتسلمين ويسلم ذوقك الراقي

[أنثى شرقية]

بعد مابيه اسامح واقبل اعذار
ولا اكدر بعد اضحك واجامل
جم دوب الصبر وليمته اضلن

***
سفيرة الشعر ابدعتي هنا بوصفك لكل الم
جميله دوما كلماتك وحروفك
تقبلي مروري هنا
اخيتك عيون

[ابو سجاد العتابي]

يسمعوني هجاء بليلة العيد
وانا بعاشور اواسيهم واغازل
على محمل حسن شايلهم سنين
كضت بذنوبهم كل المحامل


مااجملك ايتها المبدعة
تقبلي تحياتي
ابو سجاد العتابي امريكا

[سفيره الشعر]

شكراااااااااااااااا


لمروركم وتواجدكم ياغالين

نورتوا القصيده بمروركم العذب


دمتم بود

كلمات في غاية الروعة وبحار لاتغوصها الاشعار ومعاني تترك الاثار في كل الصحف ..... اختي العزيزة تقبلي تحياتي ومروري البسيط هذا

الجذب منهم عرفته وصرت وياه
على عناد الصدك ضليت اماطل
باطلهم لبسته وكلت للناس
حك همه وصحت كلي انه باطل
اواسيهم دمع من عين الافراح
وبحزني اجوا صفكه وهلاهل
نسوا حبيتهم من دون البيوت
واسف حبهم توزع عالمنازل
اكص ايدي بعد لو اكتب اشعار
ولا ترسم بعد الهم انامل
اقل ما اقول عنها رائعة تسلم الانامل الي كتبت هالمشاعر الراقية نطمع بالمزيد جزيل الشكر