سابع بيت

[رفيع التهذيب]

لميت المحابس..ولضمتها ابخيط عمري
وردت تدري ..وحيف ما حسيت
جمعت السوالف..ولو خد اوعين
جوتني وحشتي..وعالوهم ناديت.
ولك قلبي توازة..
وهاكثر حبيـــــــت
نزع جفة ..اعلة جفي
وعافني وية الناس
مطفي من الحزن..حد زحمة الواهواس
ردت احجي
انجفة ابطارف شفافي الصوت
كتلك..هاك قلبي..الكيت ظلك ناس
يا قلبي الجذب
فاركك طيب الطيب
وتعدة العمر..وانكطع نفس الياس
اوحدك ذبل ليلك بلثلج والكاس

وحدك تنطفي
ويصعد عذابك زيت
وتخضر عتابة ..من الجدم للراس
وحدك
خيط شمعة ..
ولاحها النسيان
تتفتت ..رماداوهام..من تنجاس
تصعب تنكسر..جف الصبر ميشوم طبعة
ولو لنت..يالمالنت..تنداس
وحدك..بيد وحدك
والوكت داسين
ليل يعكب ليل..
وداس ياكل داس


يا ناكوط عمري..ابياهفة اتبديت
يا قلبي اعلة هاي اشجاك..وتوازيت
شفتك عالبعد
واوميتلك ملهوف
بجة الحالي الجرف..من شافك اتوانيت
ذبيت الحبل ..واستانست بالتية
نزع روحي الفرح..ومن الحزن غنيت
ولك قلبي توازة
وها كــــــــثر حبيت
فضحتني دمعتي ..
ولاخذت وطيت
يلكلبك طفل
وك بس الك حنيت
ونشدوني ..تحبة.
وجذب كلت انسيت
لاشهكة هلا..ولاجرس يضوي الروح
لملمت العمر..
وبكلبي صفنة ميت
كالوا ..خاف تنسة ..وياخذك دولاب
سديت القلب..
واشمرت مفتاحة اعلى سابــــــــــــــــع بيت
للشاعر
عريان السيد خلف


تقبلو تحياتي
رفيع التهذيب
<!-- / message -->

[بنت العراق الحر]

يسلمووووووووووووو

على الكلمات الجميله

[رفيع التهذيب]

تسلمين عزيزتي جمانة وشكرا على مرورك العطر