تناشدني الربع عينك على الباب بقلمي
وكـَاعد عالدرب وايدك اعله الخد
*
عندك سالفه لو هيجي بطران
اكـَول اشتم هـوا وامتاني احـّد
*
الدنيه حاره روح ادخل البيت
يا بيت اليلمني وبيمن اسعـد
*
ماكو سالفه اللي تفرح الروح
ولامـنـك خـبـر يفلان ورّد
خلصنه الجلل والشجر ورّد
وانه انشد عليك الراح والردّ
ولا واحد يرد جواب اليه
*
مــو كـَـتـلي حـبـايـب نظـل للدوم
وتلكـَاني ويه طولك ساعة الشده
*
وجنت محتاج منك توكـَف وياي
وتضغط عالجرح بيدك تضمده
*
تداون كل جروحي وهسه زينات
لأن روحي قـويه وحـيـل جـلده
*
ولو تطحن صبر وتكابر هواي
ولا ذلـّت لــحــد غير الـتعبده
*
وانت صويحبي وانطيك الاعذار
والك انطي طرح كم يوم مده
*
باقي اعله الأمل والعين عالباب
أتـانـي تـعـود الي وما ريد أسدّه
*
غـرامك بــده ويانه - وانتهنه
وصرت كلشي بحياتي - وانتهنه
وياك البكـَه بعمري - وانتهنه
ونجمع روحي وروحك سويه
**************
بقلمي مع اطيب تحياتي 0
20 / 5 / 2010 مـــ
رد مع اقتباس
رد: تناشدني الربع عينك على الباب بقلمي
المشاركة الأصلية كتبت بواسطة محمود شاكر الهلالي
