انا بصرح الفرات الغالي مني تذوب
وتظل مشتاگه روحي لشوفة الغالي
اريد اثبت محبتي لحضرة المحبوب
والبسه مـن القوافـي ثيـاب تفصـالي
رغم اني شـويعر بالحــرف يادوب
لكن صـرت اترجـم ما يجـي ببالـي
الفرح خالط بروحي دمعة المصلوب
الحـزن حتــى الحـزن معـد يتهيالـي
اريد الموت لو جاني اظـل مهيـوب
واظل صامـد حبيبــي ويـاك للتالـي
كل ممنوع ندري بهالزمن مرغوب
ياريحــة هلــي ياعــزي يعگـــالـي
المطلـوب وحـدك يالغلا المطـلوب
وتظــل ويـاي فـي حلـي وترحالـي
وخلني وياك حزني يا حزن يعقوب
علـى يوسـف ضحيـة كيـد الرجالي
وأشوفك يا حبيبي بيوم لـو مكتـوب
واغني في محبتك ...(عزي لحالي)
كل حرف بكلامي لك لك محسوب
وكل نبضه بوريدي تگول يالغالـي
انا بصرح الفرات الغالي مني تذوب
وتظل مشتاگه روحي لشوفة الغالي
وتظل مشتاگه روحي لشوفة الغالي
وتظل مشتاگه روحي لشوفة الغالي
الكناري
يونس الجبوري
17/5/2010