اذا انته بشر من طين هم مخلوق
يعني اشكد ظلم تتساوه ويانه
ولان اسمك جميل انذكر بالقران
علي واجب احب اسمك ابقرئانه
عمي الخالقك من يا صنف سواك
لان دمك عسل ما يشبه ادمانه
لذا انه انصحك بهيده امشي ارجوك
اذا تعثر جذب بالكاع تلكانه
O زائد عسل دمك فلا موجود
بي دخنه وبعد والمشفى حيرانه
يابه الخاطر الله استهدي بالرحمن
تره الشافك فقد والفقد ماجانه
ادري انته ملك وتفر عليك الناس
شبه يوسف عليك الناس ولهانه
الورد من ريحتك بطلت تشمه الناس
انجرح حتى الورد وترك اغصانه
اذا الدراجي شافك شال عوده وصاح
وبحسنك دخيلك هاجت الحانه
وتيتانك ابد ماجان غركت يوم
لون قبطان انته تقود سفانه
قرابه وداعتك متفض صدرنه بليل
وانته بريحتك هالناس سكرانه
من جدمك جبلنه صاح يا جبار
هزيت الجبل ثورت بركانه
دخيلك للعياده مر علي فد يوم
لان المو مريض اتهيج اسنانه
عنوانك من اسمك جان لي معروف
غيرته عجب (بالغربه)عنوانه
بدونك دنيتي ظلمه عليه اتصير
ومن(تدخل) احسهه منوره دنيانه
الشاعر الدكتور
سلام الدراجي
قصيده لان دمك عسل
رد مع اقتباس
رد: قصيده لان دمك عسل
المشاركة الأصلية كتبت بواسطة خالد الفهداوي
