أنّاات الشوق
أنّاات الشوق
أكيد الدنيا متغيره وأهل الوفا والأيام
أكيد الناس ما تعرف مر بينا العمر أحلام
وشفنا الفركَه ملجومه بعشكَـ وأنغام
وهيه للي تصابرنا وهيه الشعر والأقلام
وهيه أشواكَنا الحلوه وبها الوافي والأخصام
وبها زادت همومي وعمري ضاع بالأوهام
هذانه غريب أندب مثل طير البحر ما عام
كلما بعد عن بحره يرد ماهام
وخلاني مشوا عني وقلبي من البعد مالام
وأنه بغربتي ساير مثل غربة محب بلام
يشد الماي مجدافه بطل ما ترعبه الآلام
ولكن بالوطن أهلي وكلهم بالوفا بسّام
تشب النار بهمومي وأكتب للبعد أرقام
وأكَولن يوم اشوفنكم وأطوي الأرض والآكام
ومن ريح الفرات يمر أنسى العمر والآلام
لن عطره عطر جنه ولن مايه فرح أيتام
ومن تغني طيور الحب يهل دمعي وجرحي دام
يشهد لفرات حسين وخوه عباس والخيام
أسلّي بغربتي الذكرى وكَلبي هناآآك عندهم هام
يذكّرني بعذْب دجلة صورة حُسْن من رسّام
وكل ما مر شمال الحب أخذ روحي وعيني تنام
أكيد مسافر البصرة أكيد أحلم .. مو أحلاام ؟
شفت أول شمس بيها واول لبس بيها وخام
أريد أسأل عن أحبابي بعدهم لو صفوا ايتام ؟
محمد شرف الشريف المدلي
عمدة التوبي السابق القطيف
المملكة العربية السعودية
رد مع اقتباس
رد: أنّاات الشوق
