لان اني عراقي

أنا شويت هموم بهيئة إنسان
ورغم كل الألم لليوم باقي
أذن اني ضحية عدم نسيان
لان للأسف جنسيتي عراقي
ولان فرضوا عليه شلون ماجان
وكالوا تنتمي الشعب راقي
قتل أفضل قتل وباحدث انواع
ولساعة امن ظل اشتياقي
تفجير وقتل أو موت احزان
لو حسره قويه اتطشر أعماقي
جان الموت مفرد وعدنا بس دكان
على هيئة حزب وأيد ألرفاقي
هسه بلا حسد أشكال ولوان
ومن البرلمان أبده انطلاقي
بكاس ألا حقيقه الشعب سكران
ولان كلها جذب أعلن اخفاقي
حكومة بوك واحنا الشعب جوعان
ومن اليوم أكدت انشقاقي
أبيع الكون كله بحفنة إحسان
مقابل بس أمان اجري اتفاقي

زهير العقابي

[ام فيصل]

ومن البرلمان أبده انطلاقي
بكاس ألا حقيقه الشعب سكران
ولان كلها جذب أعلن اخفاقي
حكومة بوك واحنا الشعب جوعان
ومن اليوم أكدت انشقاقي
أبيع الكون كله بحفنة إحسان
مقابل بس أمان اجري اتفاقي

عاشت ايدك وصح لسانك ياعراقي يااصيل
وحق المظلوم باقي بركبة الظالم ليوم الدين
الف شكر لك على نقل هذه الحقيقة المؤلمة ودام لنا نبض مدادك
مع تحياتي لك

[أنثى شرقية]

عاشت ايدك وصح لسانك خويه
قصيدة معبرة عن واقع حال العارق فعلا
مزيدا من التالق والابداع دوما
تحياتي

[السومري71]

صح لسانك اخي العقابي
قصيدة تصف حال العراق بالضبط
ندعوا من الله ان يتغير حالنا الى احسن
شكرا لك ولقلمك المبدع
تحياتي

[ابو سجاد العتابي]

عاشت ايدك اخي العقابي زهير والله انك لمبدع
وتصويرك جيد لجال الشعب المظلوم
تقبل تحياتي احوك ابو سجاد العتابي امريكا

الشكر والتقدير
لجميع الذين مروا
وتركو بصماتهم
تمنياتي للجميع بالخير والسلامه

[نازك]

واللللللللللللة رررررررررررروعة صديق العزيز زهير العقابي

[نازك]

من هجر بق الادل بس تك
ولا تلعب على الحبلين بس تك
لان كلك حلو وتهات علية