مثل الشموع نذوب

[سومه]

هو000
انا وروحي وعذابي وحيرتي متانين مابين الامل والياس والفركه
لامريتي بيه ولا اجيتي بطيف بس الذكريات ولهفــــــة الملـــــكا
مرات احترك حدما اذوب انهار وانتي بنص ثلج مامرتــــــــج حركـا
هي000
لاحبيبي وتدري انه اهواك ذوبني القهر والروح محتركه
من يمرني اسمك اشتعل بركان تره وداعت عيونك مثلي ماتلكه
هو000
وانا 000
انا أبعد المسافه وساعه من اشتاك أوصل هوا ابابج من يجي يدكه
أعتب وانقهر واحجي بصلافه وياج بس معذور قلبي يطالب بحقه
اريدج ذيج انتي وما تهزج ريح وأريدن صبرج يطوول بعد خلكه
هي000
انه اصبر لحبك مثل صبر النوق ولو كل العمر بالصبر خلصته
لان انه احبك تدري حد الموت وغيرك لاتضن الروح عاشكته
صديقاتي حسدني بخوفي انه عليك شافن حبي لك بالروح شايلته
وحجيتلهن عليك اتباها بيك هواي كلتلهن حبيبي من الله طالبتا
وبجيت وفاجئتهن وانكلبت دموع وسألني وكلت يومين ما شفته
هو000
وانه البارحه اباخر نفس بالليل سهران ويه همي ومانمت ليلي
اجيتي كبال عيني وكمت افكر بيج وأحس هموم شوكج هدمن حيلي
ها نامت؟؟؟ بعدها ؟؟؟ شلون تكضي الليل وهيه هواي من الليل تشكيلي
هي000
احجيلي حبيبي وكللي اشما صار لتضم عليه ابداعتي احجيلي
هو000
شحجيلج انا ويه الليل صرنا اصحاب
اغنيله بهمومي بسلطنة عشاك وبطور السهر يكعد يغنيلي
وشحجيلج000
طفت كل الشموع وذابت ويه الليل بس شمعة خيالج بقت تضويلي
بس شمعة خيالج بقت تضويلي

[رونق الحياة]

اللة اللة اللة عليك سومة

وعلى هذة الكلمات النابعة من قلب عاشق
ننتظر المزيد منكي
تقبلي مودتي

[rasha79]

مين
سومة


والله كلام حلو

مشكوووورة حبيبتي ابدعتي

تحياتي
رشا

[اميرة الاحلام]

طفت كل الشموع وذابت ويه الليل بس شمعة خيالج بقت تضويلي
بس شمعة خيالج بقت تضويلي

<!-- / message -->

رووووووعه

شكرا اختى سومة على الكلام الجميل اوى

دمتى ودام لكى شمعة حياتك

ودام نبض قلبك

محبتى<!-- sig -->

[عراقي أصيل]

سلمت الأنامل خيتي سومة
بس هي نهايته بالهاء مو بالالف
كلمات روعة


تحياتي

فارس الليل العراقي

[سومه]

يسلمووو على مروركم منورين الصفحه اعزائي

[zahra2]

انه اصبر لحبك مثل صبر النوق ولو كل العمر بالصبر خلصته
لان انه احبك تدري حد الموت وغيرك لاتضن الروح عاشكته
صديقاتي حسدني بخوفي انه عليك شافن حبي لك بالروح شايلته
وحجيتلهن عليك اتباها بيك هواي كلتلهن حبيبي من الله طالبتا
وبجيت وفاجئتهن وانكلبت دموع وسألني وكلت يومين ما شفته

الللللللللللللللللله يا سلام والله كلام جميل و مؤثر...عاشت ايدج حبيبتي

[سومه]

يسلمووو عيني جمانه وزهراء على مروركم