ها صوت انفجار ...............اسم الله يمه عليك

[ليث الخفاجي]

ها صوت انفجار وكولوا يالله

ياستار الطف واحفظ العالم

مابينه نشوف اجسام متوذرات

ونص لشه وقميص احفظنه يا راحم

ها صوت انفجار اسم الله يمه عليك

ولك كلبي تكطع وين اشوفنك

لاويت الحياة وزامطيت الضيم

تحزمت وكلتله انه الاكبرنك

لايمه دخيلك وانخه ابو الحسنين

بالعباس والكاظم احصننك

فرحتي وعزوتي وكل الحزن ينزاح

من تمرك علي بروحي اضمنك

اعكد شيلتي للزهره وام عباس

كون بخير يايمه يرجعنك

.....................................

ها صوت انفجار تهزهز الشباك

شالانه وركعنه شلون بالبره

ادري شلون نشرد يمه وين نروح

عيشتنه ييمه هل صفت مره

دخيلك يا محمد احفظ الاولاد

بجاهك يالرسول تزيح هل غبره

صبر ماظل ييمه ولا بكتلي عيون

ضغط عندي وقلب تعبانه فد مره

جبت هاي الامراض من الثمانينات

والتسعين عمر الاه والحسره

.....................................

ها صوت انفجار اسم الله يا ستار

شفت جيراني هسه تمشه للشارع

وشفت الناس تطلع للاشغال تروح

وابني شويه كبله بهل وكت طالع

ترجعلي ييمه وانته سالم كون

انذرلك كليبي كون بس راجع

.......................................

ها صوت انفجار وكاعد المسؤول

بس يعرف يصرح من على الشاشه

اعمالن جبانه ومن قبل اشرار

وللنار الشعب سووه مثل ماشه

هل متونس وكاعدلي بالخضراء

يصيبه الضيم لا يا سامعي حاشه

والله كلمات جدا مؤثرة صح السانك اخي العزيز وعاشت ايدك

وارجوا من جنابك الكريم ان تخبرنا لمن تعود هذه القصيدة

حتا يتم كتابة اسم الشاعر


تقبل تحياتي

[ليث الخفاجي]

والله كلمات جدا مؤثرة صح السانك اخي العزيز وعاشت ايدك

وارجوا من جنابك الكريم ان تخبرنا لمن تعود هذه القصيدة

حتا يتم كتابة اسم الشاعر


تقبل تحياتي

اشكر مرورك الكريم اخي العزيز الزير سالم
اما بالنسبه لمن تعود هذه القصيده فأنها احدى كتاباتي المتواضعه اطرحها بين ايديكم
دمتم سالمين جمعيا
ودمت مبدعا اخي العزيز
الشاعر ليث الخفاجي

ليث الخفاجي ...... دمت بحفظ الرحمن الرحيم ........ رد ... ها صوت انفجار ........ اسم الله يمه
ربنا موجود يهزهم ويؤزهم ازا اللهم انت بنا راحم ...... ورتي لكل روح شهيد ادم 22

[ليث الخفاجي]

ليث الخفاجي ...... دمت بحفظ الرحمن الرحيم ........ رد ... ها صوت انفجار ........ اسم الله يمه
ربنا موجود يهزهم ويؤزهم ازا اللهم انت بنا راحم ...... ورتي لكل روح شهيد ادم 22

الله يتقبل دعائك وينصرنا على من ظلمنا اللهم ارحم شعبنا العراقي المظلوم
ورد كيد اعدائنا الى نحورهم انك على كل شي قدير
شاكر لك المرور اخي العزيز
الشاعر ليث الخفاجي

ها صوت انفجار وكاعد المسؤول
بس يعرف يصرح من على الشاشه






اعمالن جبانه ومن قبل اشرار
وللنار الشعب سووه مثل ماشه






هل متونس وكاعدلي بالخضراء
يصيبه الضيم لا يا سامعي حاشه


الله اكبر اللهم ارحم بحال العراقيين يارب
كلمات موجعه احرقت قلبي
انشاء الله تزول هذي الغمه

والله ينتقم من الي يكون السبب

شكرا لك اخي العزيز

[ليث الخفاجي]

ها صوت انفجار وكاعد المسؤول
بس يعرف يصرح من على الشاشه






اعمالن جبانه ومن قبل اشرار
وللنار الشعب سووه مثل ماشه






هل متونس وكاعدلي بالخضراء
يصيبه الضيم لا يا سامعي حاشه


الله اكبر اللهم ارحم بحال العراقيين يارب
كلمات موجعه احرقت قلبي
انشاء الله تزول هذي الغمه

والله ينتقم من الي يكون السبب

شكرا لك اخي العزيز

الله يسعد قلبك دنبا واخره ولانك غيوره قد احترق قلبك على العراقيين
فهذا لسان حالنا نحن شاكر لكي المرور اختي العزيزه
الشاعر ليث الخفاجي

[ابو سجاد الركابي]

ها صوت انفجار اسم الله يمه اعليك
الله الله على روعة هذه الكلمات المؤثره
سلمت يداك تقبل تحياتي