المقارنة بين الكيبلات اليو تي بي والأس تي بي

[right.click]

السلام عليكم ولد عمي وبنات عمي

طبعاً اكيد تعرفون تعبتبرالكيبلات طريقة لنقل المعلومات والبيانات

هواية نسمع عن انواع الكيلات بمسميات CAT3 OR CAT5 or CAT6 ونسمع انه اكثر انواع الكيبلات استخداماً هي الـ" CAT5 & CAT6 " .

اولأ :خل اشوفكم اشكال الكيبلات بالصور:

Cat 5e Cable


" الشكل " 1" "




" الشكل " 2" "



" الشكل 3 "


طبعاً هاية الأشكال الي تشوفوها انواع لصنف من الوايرات يسموها بـ CAT 5 ولكل منها اسم خاص كالتالي :

الشكل الأول يسموه : Cat 5E UTP Solid Riser Cable .
الشكل الثاني يسموه : Cat 5E UTP Stranded Patch Cable .
الشكل الثالث يسموه : Cat 5E STP Shielded Cable .



______________________________________________





وهايه النوعية من الكيبلات وماتتصنف لاصناف وهاي الصورة توضح شكله :

ويسموه Cat 6 UTP Cable



__________________________________________________ ___________________________

ثانيا: الفروقات بين CAT6&CAT5

من الأسماء أكو ختلاف لا باصل المسمى ولكن الحروف الي تجي ورة الرقم لو تلاحظ ان الـ CAT5 وراه " ورة الرقم " حرف E وهذا الحرف اختصار لكلمة ايثرنت بينما الـ CAT 6 مابيه ورة الرقم مثل هذا الحرف E يعني ان هذا الكيبل عادي وما يستخدموه بالشبكات كذلك باقي الأسلاك مثل الـ CAT3 ، إذاً الـ CAT 5 هو المشهور بالشبكات السلكية .

_________________________________________

ثالثاً : المقارنة بين أصناف CAT5 :

الصنفين Cat 5E UTP Solid Riser Cable & Cat 5E UTP Stranded Patch Cable يعتبروهن من عائلة وحدة وهي عائلة UTP والفرق بيناتهم بالتسمية يعني اكو بينهم اختلاف بالنسبه لسرعة النقل .
واما عن الصنف اللاخ اللي اسمه Cat 5E STP Shielded Cable اللي هو من جماعة الـSTP والمتميزة بطبقة عازلة من القصدير(سلفون).
بس بصورة عامة لو نقارن بين العائلتين STP & UTP رح نلكة الـ STP تتفوق على UTP بهايوة شغلات.
1- اقل عرضة للتداخل الكهرومغناطيسي ،لان بيها الطبقة العازلة مال قصدير(سلفون).
2- تكدر تدعم الإرسال لمسافات أبعد والسبب وجود القصدير اللي يمنع العوامل الخارجية للتأثير على نقل البيانات مثل أشعة الشمس والحرارة وهاي أهم شي عدنا بالعراق لأن تعرفون شسمنا تخبل (واني عن تجربة دفعت بالكيبل الأس تي بي اكثر من 150 مترة بالصيف والحر).
3-ببعض الظروف يوفر سرعات بث أكبر .

__________________________________________________ __________
تحياتي الكم كلكم وانشاء الله تستفادون من مواضيعي واي سؤال اني بالخدمة

[بصراوي مشاغب]

الف الف شكر يامبدع واللع حقا مواضيع روعة استفدنا منها

الله لايحرمنا منك ياوردة اتمنى لك المواصلة باارقى دروس

ياوردة

لك مني الف تحية واحترام

[right.click]

ان شاء الله اقدم لكم اروع الدروس انتو تدللون حبي

[الحالمه]

مجهود رائع ابن عمي

مشكور وما ننحرم من مواضيعكم المميزة

[right.click]

بس الموت يمنعني عن المواصلة ههههههه تدللين خيتي الحالمة

[الحالمه]

بس الموت يمنعني عن المواصلة ههههههه تدللين خيتي الحالمة

اسم الله عليك خيوو رايت كليك , الله يخليك ويحفظك