اجيتك مستحي

[رنا العراقية]

اجيتك مستحي

اجيتك مستحي وبالكَوه ادكَ الباب
وعالخدين سالت دمعه مفضوحه
وصلت الباب دارك واعثرت بالباب
من كَد ما تعبتني الجيه والروحه
غريب وعندي هوايه صعبه طبه الدار
وكَبل جانت بس الي مسموحه
بچيت وصحت بسمك من وره الحيطان
بكَلب مكسور يشبه كسره اللوحه
حبيبي بداعتي مر عالكَلب خطار
وبسچين عينك مزق اجروحه
العالم تذبح الدمعه بضريح ايمام
وانه بحضرتج دمعاتي مذبوحه
انه الچنت اجيك ابضحكه من ابعيد
اجيت بطركَ دمعه وروحي مجروحه
اجيتك واعتذر واعتب عليك هواي
واريد ارجع البيتي واذنوبي ممسوحه
حبيبي بعيني اشوفك جاهل اصغيرون
تمرجح واني كَلبي يصير مرجوحه
حبيبي معاهد وحلف كلام الله
اليخونك حبيبي ايقشمر بروحه
اليخونك حبيبي ايقشمر بروحه


للشاعر الكبير عادل محسن

تحياتي

ترن ترن تررن رنا العراقيه ....... دمت بكل الود ........ اول من يدق بابك ..... ادم 22 .........................
رد .... أجيتك مستحي ....... خاطره رائعه كروعتك ...... ابداع وتألق .... الي عنان السماء ارتقي ...........
تحياتي ودعواتي ..... ولك من الورد اطيبه ...... ادم 22

[ام فيصل]

شكرا لنبرة الوجع
وطول الأهات والأنين
قصيدة رائعة ومعنى جميل
سلمت الأيادي على هذا التذوق والإختيار
ولاحرمنا روعة بوحك وانت ترتدين بردة العشق الروحي

مودتي لك عزيزتي

[خليل الشرابي]

شكرا على هذه اللوحة الرائعة
تحياتي لك الأخت رنا

[ابو علي العراقي]

شكرا للمجهود الرائع يااخت رنا كلك روعه تقبلي تحياتي

[مرام سامي]

يسلم ذوقك على هذاالاختيار الرائع
ولك كل الود واجمل وارق التحايا

كلمات جميله ومعبره

شكرا لكي على هذا الانتقاء

تقبلي مني كل الود
نوره

[مرام سامي]

يسلم ذوقك على هذاالاختيار الرائع
ولك كل الود واجمل وارق التحايا