زنجيل

[سامي المشكور]

.............................................
راح وكســر خاطري ولملم طيوفه وشال
ونهــر المحبـه نشف ظلت جروفه وشال
الزمــن ماعافنـي رد عالـكفوف وشـل
ماعفت حبــك انا كلبـي على حبـك ظل
عالهجر شو تعتنـي عالوصــل دومك ظل
بجتافي اغطي الشمس بالصيف اصيرن ظل
لو مر عليك الشتا لفني على صدرك شال
.................................................
يامن نسيت اللذي ابعمرة الك خاطرة
بالجذب مامر على بالك ابد خاطرة
وانة بدموع الهجر كاتب الك خاطرة
صدكني هذا الكلب غيرك ابد ماهوة
ضل عالي علو النجم حبك ابد ماهوة
بالله اريد اسألك عن السبب ماهوة
الشايل حنينة الك ليش اكسرت خاطرة
.......
مسكين هذا الكلب يا صاحبي مره
يا ما سكاك الشهد ما ضوكك مره
يتمنى كبل الاجل يلكاك ولو مره
بس انته كلبك صخر ما لحظه حنيت
وانه لالك ديرتي بيبانها حنيت
من شفت بيك الالم ظهري الك حنيت
طيبتي يم شوفتك وجهك علي مره

.....
يا وسفه هذا الوكت للزين هو حاربه
وكلوب كلهه ثلج بس كلبي هو حاربه
شاف الطبيب انبهر كلبي واهو حاربه
شيشافي ميت جرح مو سهله اظن مشكله
واشكال بيه الحزن بس الفرح مشكله
كانونه بيدي وظعت طول العمر مشكله
طعنات ميت والف بكليبي هو حاربه



اتمنى يعجبوكم
منقووووووول

[ام فيصل]

سلم لنا هذا الاحساس
والنقل المميز
وعاشت ايدك عزيزي
زنجيل رائع كروعة حضورك
دام لنا تواصلك
مع اطيب تحياتي

[السومري71]

جميل ما نقلت اخي سامي
تحياتي لك

[ابو سجاد الركابي]

رائع والله جدا رائع دمت ياسامي ودام مدادك
مشكور يالمشكور

[ابو دومة]

زنجيل راقي حقيقة عاشت ايدك

[مرام سامي]

تشكر على هذا الذوق الرفيع
وعلى هذاالاختيار الرائع
لك تحياتي وسلامي

[عاش العراق]

تسلم عزيزي سامي وعاشت أيدك لهذا ألأختيار ألرائع..مع تحياتي