تعلمني الصبـــــــر
تعلمني الصبر وتريدني انسى الراح
تعلمت الصبر والصبر نساني
مثل ليله اصبحت وابلاني ربي بقيس
ومثل قيس اصبحت جن ليله تهواني
ومثل عبلة صرت جن ليلي مظلم حيل
ومثل عنتر صرت تيهت عنواني
انا امبجي الدهر بأجدادي يمدح دوم
انا اجنانة ومضيفة وللمجد باني
انا عبودي وجبوري وشمري ابن اجواد
وكل ياسر انه وعوادي شيباني
وابن كل العشاير والرصاص الثار
وابن شعلان انه و يهلهل الساني
انه ابن النجف والصدر والفياض
وابن ال الحكيم وجدي سستاني
انه المصطفى والزهرة والكرار
انه حسين وحسن خل تبجي عدواني
لكن ياعراق الصار بيك اهواي
مثل موسى بسجن وامريكي سجاني
لا تسكت بعد كلهم الك عدوان
بس انت الحسين وشعبك ايعاني
ايحرسك علي اي علي حامي الجار
واسلاحك حسين وهذا قرأأني
قصيدة بقلمي
خادمكم محمد الكناني
ابن المشخاب
رد مع اقتباس