دارميات تحتاج أضافة

[عاش العراق]

للكاظم أتعنيت أشكيلة حالي...............شنهو ألصاريمعود شنو مليت..................يهواي لومريت أنذرلك أنذور....................من ألسهر وألحسبات ذبلن عيوني............. أرجو تكملة ألدارميات من ألأخوة ألأعزاء مع ألتقدير...

[عاش العراق]

تسلم أخي على هذا المرور الكريم وعلى هذه ألتكملة ألجميلة مع تحياتي لك

[خليل الشرابي]

للكاظم أتعنيت أشكيلة حالي
بيا جرح يهواي بس مالا تالي
شنهو ألصاريمعود شنو مليت
كل يوم أجيك الدار ليش انت ماجيت
يهواي لومريت أنذرلك أنذور
هذه محبة هواي لا تقول مجبور
من ألسهر وألحسبات ذبلن عيوني
بيا عتب كومات علي جفوني
أعجبتني الفكرة
تحياتي لك تقبل مروري

[ابو سجاد الركابي]

للكاظم أتعنيت أشكيلة حالي
يصلح حبيب الروح اول سؤالي
شنهو ألصاريمعود شنو مليت
شكد ناطرت ملكاك والنوبه ماجيت
يهواي لومريت أنذرلك انذور
افرش دليلي افراش وضلوعه الك سور
من ألسهر وألحسبات ذبلن اعيوني
اعمى اصبحت يا حيف من فاركوني
_______________________
تحياتي اليك عزيزي\\ عاش العراق
اخوك ابو سجاد\\ شكرا لهذه البادره

[عاش العراق]

شكراً جزيلاً لكم أخواني وحبايبي حسام وخليل وأبو سجاد..على ألمرور ألكريم وأضافة تكملة رائعة وجميلة..تقبلو تحياتي مع فائق ألشكر وألأحترام أخوكم عاش ألعراق