محاورة بين شاب يائس من الحب وفتاة وجدت فيه فتى أحلامها
تقول الفتاة:
حبيــــــــــتك اول مـاشفتك
معرف ليش ومدري شلون
شفتك فــارس بكل احلامي
وطلتك تملي عليه الكــــون
احس مخلوقة لشخصك انه
ومؤمنة بيك شــلون متكون
محـــــــــد يحبك ابكـد حبي
روح وســـــــــائل اليحبون
ولو ذكروك بطـاري كبالي
شــــرار ويطلع من العيون
اني احبـــــــك واعلن حبك
وايكـــــولون الي يكــولون
يرد الشاب اليائس:
يبنت النــــــــــاس اترجــــاج
لتقتحمي عليــــــــــــــه البيت
ترى كلبي ضعيف ومايتحمل
ومتروس شكـــــــــد ماخبيت
تحطــــــم كلبي بقهر الضاكه
وبــــــالحب والعشق انشليت
هزي عليج بنخلة عمـــــري
تساقط ضيمي الي قــــاسيت
متجــــــــــــــاهلته لحبج انـه
ولتضنين انـي مـــــــــدريت
بس خــــــايف لاضلمج اني
واحملج وزري ومـــاجريت
ترد الفتاة المؤمنة بفارسها:
تدري اشوف الطهر بوجهك
وعفة يـــــوسف عد فرعون
عيونك تنـــــــزل لو لاكيتك
شكد حلوات مــــن يخجلون
يرد الشاب:
ليغرج مظهر يــــــــابنيه
شمدريج اني شســـــويت
ايام السوده الـــــــداستني
متعرفين بقلـمي شخطيت
ثم تنهي الفتاة الحديث
احبك بطهرك وبأخطــــاءك
لك احبك لــــــو ابليس تكون
وراح انشـر حبنا لكل عاشق
اني أحــــــــــب ( ** )
اهداء الشخص في بالي
رد مع اقتباس
رد: محاورة بين شاب يائس من الحب وفتاة وجدت فيه فتى أحلامها
