حبيبتي من تكون

صار سنين وكلبي يحبج من يوم اتعلمت الـدار
وصار الدار بنص عيونج متعجب لـنه ومحتار
طولـج نخله بوسط البصرة خيعونه الاح الجمار
شقلاوة انتي عيونج خضره تتلاصف بيه الانوار
وشعرج اصفر يمكن اسـود مغسول بمي الاهوار
منقوشه الفاو اعله اجفوفج واحتارت بيج الاشعار
نهرين دموعج من تجري تمسح عنج كـل الصار
انتي بحسنج داخت عالم يانور وضوه الاقمار
يا دنياي البيهه اتونس وبيهه هـواي المني تغار
يالمعجونه بطين الكوفه ومن ذي قار اذراعج صار
حب ديالى وكوت وبابـل وعماره انتي والانبار
يالصـوتج نغماته تونس وتغـرد اطوار اطوار
يالكحلتي اعيـون الدنيـه انتي بميج والاثمـار
يالخليتـي بحبج عـالـم مجنونه وتفتـر بكتار
عنج كالت كل الناس طحت وظل جسمج طشـار
مايدرون بجذرج ثابت من ادم وايامه اشصـار
مد ايده يلوح التفاحه حته يسوي بكاعــج دار
بغداد انتي اشكبر الخالق سواج بمـي الازهار
بغـــداد انتي وكـل العالم تتمنه بصفج تندار<!-- / message -->

عاشت عاشت عاشت عاشت ايدك اخوية لبعزيز والله كلماتة جدا وعاشت هل ايد الي كتبته ونحن بنتضار الجديد

[قمـ بغداد ــر]

غزل رائع لأجمل حبيبة بغداد دام قلمك للعراق العظيم نبض
لاروع الكلمات و الاشعار

تحياتي واحترامي لك اخي ابو زهراء

[رونق الحياة]

كلام واحساس رائع منك اخ ابو زهراء

مشكور وباانتظار جديدك
تحياااتي

[zahra2]

اللله احلا وصف لحبيبت قلوبنا بغداد العزه و الكرامه عاشت اللأيادي ابو زهراء

[رفيع التهذيب]

كلمات جميلة يا اخي ابو زهراء ربي يحفض بغداد والعراق وربي يحفض العراقيين جميعا
رفيع التهذيب

[عراقي أصيل]

سلمت الأنامل أخي أبو زهراء بأنتظار الجديد


دمت بود


فارس الليل العراقي

مشكووووووووورين
على مرورك الكريم
وعلى هذه الردود الجميله
حبايبي