ياطير الجبل عزفك يهد الحيل

[ام علاوي]

جمال البيك ماظنه جمال انسـان
يالخلقــك ملاك وهيبتك اَيه
فرهدت الحسن والناس داخت بيك
يعني انت الحسن والنـاس شرايه
يانشوة خمر تذهب عقول الناس
صــافي ياخمر مابي دغش مايه
تصفن والعيون بغيض مشدوهات
ومصوب غضب وبراسك الغايه
كول شماردت تلكاني طوعك دوم
صوب ياورد تلكاني الك ثايه
هيج احنه النحبه والنموت اعليه
يلكانه بأمـــر للدوم فدايه
ياشكة كمر ضيفنه عندك يوم
ليله يا بدر واحسبنه عطايه
فدوه لطلتك ياعزوة العشاك
ياغنوه وقصيده وحزن فختايه
ياراعي بمسيه ووحشة امحبين
يعزف والحزن يتوسل بنايه
مهضومه الليالي تريد بزغة نور
تاهت ياحلو والناس شجايه
ياطير الجبل عزفك يهد الحيل
غم رايه الجزاك والف غم رايه
.............
للمبدع اسامه الشاعر

[أنثى شرقية]

هيج احنه النحبه والنموت اعليه
يلكانه بأمـــر للدوم فدايه

******
الله عليج ام علاوي اختيار جميل لكلمات رائعه للشاعر
دمتي بهذا التالق دوما
تحياتي حلومة

[ام علاوي]

حلومه ... نورتي
شكرا لروعة اشراقتك
واتمنى ان يدوم التواصل
لك خالص مودتي

[السومري71]

الأخت ام علاوي
اختيار موفق
كلمات كلها احساس مرهف
لكِ خالص مودتي

[ام علاوي]

السومري .. شكرا لمرورك الجميل اخي
لاعدمت تواصلك
لك اجمل التحايا

[أسامه الشاعر]

الرائعه والراقيه ام علاوي
انتي المبدعه
لانك احسنتي الاختيار
تحياتي لك
ولبيتك الذي علمك الامانه الادبيه

[ام علاوي]

اسامه الشاعر ... المبدع والمتألق
رائع ماخطت يداك سيدي
قصيدتك حاكت الفؤاد
دمت مبدعا ومميزا ورائعا
استمر بالله عليك واتحفنا بروائعك
لك مني كل التقدير والاحترام

[عاشقة المستحيل]

على الطرح الرآإئـــع
ننتظر أخ ـــتيآرآتك القـــآدمه لآعدمنـــآك
دمت بأحسن ح ـــآل
ودي وأحترآمي لشخصك الرآإئــع