احبّنك دگلي شلون انساك؟

[عاشقة المستحيل]

احبّنك دگلي شلون انساك؟


هااااااااااااااي


احبّنك دگلي شلون انساك؟

واذا انساك گلي شلون اگدر

لا اگدر احبك لا اظل وياك

واذا ظليت ما نرسى على بر

دگلي شلون اعوفك جاوب ارجوك

لا تسكت وناري بگلبي تسعر

اشوف الناس تسكر لو تمس الكاس

وانا بلمسة ايدك روحي تسكر

كضيت احلى العمر يا خلي وياك

ولو ترضى جنت لعيونك انذر

تعال الكلب متيّتم بلياك

دشوفة شحالة من فركاك يكفر

اريدك ما اريد الغير يحجون

يكولون اليحبها دار وافتر

اريدنّك تحبني بكثر ما ريد

وياريتك تحبني شوية اكثر

بحر عينك اضيع بموجة واحتار

وهمس شفتك موسيقى وبيها نشعر

صدك تنسى الحجي واحلاها الايام

وصدك عندك احبك حجي مسطّر

خلّصت الحروف وياك آهات

وما بقّيت بس حروف من جر

عليمن ومن شنو وليش انا وياك

جنة وانت نار تريد تسعر

راح انساك احاول وانسى الايام

ولتظن انا راجع وراح اصبر

جنت من اشوف عيونك ارتاح

هسة انا من اشوفك راسي يفتر

اكولن هم صدك حباني فد يوم

لو شمسة جنت وبشوفي يحتر

دجاوب لا تظل ساكت اريد اليوم

جوابك آخذة لو حتى انضّر

مو انا الجنت اغتر على الناس

صرت بيك انا يم الناس انغر

صدكني من اعوفك اشكال والوان

بغرامي تطيح لو بس صبعي اشّر

لتظن حايرة لو غبت فد يوم

اذا انت الذهب غيرك من الدّر

ما حبك بعد كافي ولحد هنا

اكول انا عليك (الـــلـــــــه اكبر)

تحياتي

منقولة واتمنى تعجبكم

[شاب حزين]

رررروعه عاشقة شهر حلوه.وراقي.تحياتي وتقديري

[ابو دومة]

ما اكدر ارد على هذه الابيات بصراحة لان لو مهما كتبت ما اكدر اوصفها
بس اكلج دام ابداعج بهذا المنتدى الرائع بيكم

[ملهمة الشعراء]

احبّنك دگلي شلون انساك؟

واذا انساك گلي شلون اگدر

لا اگدر احبك لا اظل وياك

واذا ظليت ما نرسى على بر

مشكوره حبيبتي ع هاي الابيات الجميلة

[عاشقة المستحيل]

ميرسي الكم حبايبي منوريني بطلتكم

الله لايحرمني من ردودكم الجميلة

تحياتي لكم

[ام فيصل]

مشكورة عزيزتي
على جميل اختيارك
قصيدة جميلة واحساس اجمل
دام لنا تالقك
وننتظر جديدك القادم

مودتي