أنشودة وطن

[محمد شرف المدلي]

أحلام مقدسة


هذا أنتي بوسط كَلبي حلم فلاح ويّا الشط
هذا أنتي دوا جروحي واسمج بالذهب منخط
أحلم من اشوفنّج ترد روحي
ومن شط العرب بسمات ما تلتم

أكيد احلم أكيد أحلم

وليلي ويّاج نجمة صبح محفوظه
بين الغيم من تلمع يصير الكون كله افراح
كله لوعة الغربة
أسير افراكَـ .. ضيعني البعد والهم

أكيد أحلم أكيد أحلم

من مثلج روحه معلكَه بروحي
مثل فناان محرابه ريشة المرسم
يحجي همومه برسومه ويعاتب لعبة الأقداار
والمرسم

أكيد أحلم أكيد أحلم

من اسمع نغم فلاح يتغنّى
أبجي له بدمع عيني وأكَولن طالت الفركَه
وعمري راح ويه الهم
شباابي احتركَـ بالغربة ومن عيني دموعي دم

أكيد أحلم أكيد أحلم

جنت أمشي بشوارعها صبي مفتون
مفتون بسحر خذها مثل موج النهرمغرم
وشمسها مو مثل الشموس
من لجباال هي أقدم

أكيد أحلم أكيد أحلم

البصرة درة الدنيا بلد شجعاان يا ابن العم
أشوفج بالعمر مرة أبوس ترابج الغالي
وأشتم ريحته وأحلم وبعدها أرواحنا تلتم

أكيد أحلم أكيد أحلم

وفيْ مثلج يلم الشوكَـ والبلاّم يشهد له
هوى البصرة مرام الروح
مهودر من نهر دجله
واذكّر بسمة العشّار
وأم البروم والقشلة والمشراكَـ والسيمر
هواهم من صدرك أحلى

أكيد أحلم أكيد أحلم

أشوف الشط حلم نعسان
حلم مغبون حلم عاشكَـ رجع لأهله
قمت أتسلّى بدموعه
الوطن ما ضااع بس أهله

أكيد أحلم أكيد أحلم

واذكّر على ترابج ابوذية الفلاح
والناعور ونغماته ترد الروح
يسكَي تربة الأحرار ويزرع للوطن نخلة
ومن مايه سكَيت الكون فراتي من عذب دجلة

أكيد أحلم أكيد أحلم

ما ينهان من حبج ولا تحزن عليه أهله
عراقي مسجله التااريخ زرع شجعان مو سهله
وكل الكون يعرفنا وينادينا بألف أهلا

أكيد أحلم أكيد أحلم

يألمني فراكَـ أهلي وبُعد الوطن ما يحلى
اسلّي روحي بالأحلام مثل ماي الجزر ضحله
لا تروي عطش عطشان أمااني بس تكلمني
واشوف الدمعة بالغربة ألم جايد
تهد أعضاي لو مرت على عيني
أناديها بكَلب ملجوم ما يعرف موازيني

أكيد أحلم أكيد أحلم


السيد محمد السيد شرف الشريف المدلي
عمدة التوبي السابق القطيف
المملكة العربية السعودية

[ام فيصل]

أكيد أحلم أكيد أحلم

ما ينهان من حبج ولا تحزن عليه أهله
عراقي مسجله التااريخ زرع شجعان مو سهله
وكل الكون يعرفنا وينادينا بألف أهلا

أكيد أحلم أكيد أحلم

يألمني فراكَـ أهلي وبُعد الوطن ما يحلى
اسلّي روحي بالأحلام مثل ماي الجزر ضحله
لا تروي عطش عطشان أمااني بس تكلمني
واشوف الدمعة بالغربة ألم جايد
تهد أعضاي لو مرت على عيني
أناديها بكَلب ملجوم ما يعرف موازيني

أكيد أحلم أكيد أحلم


عندما ينطق المداد بالشوق والحنين
تبتهل كل الحروف وتسجد الكلمات خشوعا
لوحة حملت كل تعابير الحب واللهفة للبصرة الفيحاء
وطرزت بانامل عانقت صفوة الحروف وروعتها

كل الشكر والإمتنان لروعة وعذوبة كلماتك
ودمت سالما عزيزي

سيدي محمد المدلي
هكذا انت دائماً كالنهر يروي ما حوله
و كلماتك كالنهر العذب تنساب لتروينا بها
دمت لنا بهذا التميز ودام تألقك
ودي لروحك النقاء
فرات