بيه حبك نار واعشك نارك

[فارس الهيجاء]

منين ابدي وياك يا أجمل حبيب
كلي انته منين ابدي احجيلك

انته مو كاع التشيلك لو مشيت
لو مشيت عيوني ذني تشـيلك



بيه ادور تالي بس انته لكيت
بيه ساكن والـــــكلب يدعيلك

آنه بغيابك نجم ضاع بنهار
جيت ادور بيك عني بلـــــيلك


***********

وآه يل حسنك حرت شكتب عليه
وحيراهه شيكتـــبن اقلامي


انته واحد ما شفتلك اي شبيه
واليشبهك منوجد باحـــلامي


زلزلته الروح بيه وما دريت
وبالكلب سويت جم سونامي


مرايه خلاني الوكت بيه تشوف
وما أشوفك لو صرت كدامي


***************

آني اريدك يا خليلي وما اريد
غيرك انته وياي يا اغله بـــشر


ولو شفت عيني تعوفك يل الحبيب
صدك آنه اعميه كل هذا النضر


جيت ادور عن صور توصف البيك
شكتب آنه اعليك يل كلك صور


واحد امن اثنين من تطلع يغيب
الشمس يهواي والثاني الكمر


***********

وآنه كاع وياك صدكني اصير
وما اطيك الروح دون اشجارك


وألأحسدة اعليك بس ذاك الكريب
جارك الي دارهم يــــم دارك


آخ يل عينك نضرهه شكد يصيب
جم سهم انصاب منهه انضارك


جمرة غطاني السجن اعرف صحيح
بيه حبك نار واعشــــــك نارك

منقووووول

[شاب حزين]

شكررررررررأأأأ فارس...كلمات جميله ...عاشت الايادي ..على النقل المميز الشعر.......تحياتي

[ابو سجاد الركابي]

سلمت ايها الفارس على هذا النقل
ملاحظه\يعجبني توقيعك \ابو سجاد الركابي

[فارس الهيجاء]

الاخ الكريم ...شاب حزين الف شكر على مرورك الطيب


تحياتي يا ورد

[فارس الهيجاء]

الاستاذ الشاعر ... حسام الصياح شاكرا لك مرورك الكريم


تحياتي

[فارس الهيجاء]

العزيز ابو سجاد الركابي خادمك وممنون منك على مرورك الطيب

والتوقيع هو بعض الابيات لخادم اهل البيت السيد الحلي

تحياتي