العرس الانتخابي**&&&

[ابو سجاد الركابي]

باجر انهب الصبح لجل الجهاد
نحمل اكلوب امتلت كلهه الم
موجها بسيف لو نلبس دروع
باجر نجاهد تره بجرة قلم
باجر انهب ننتخي لدم الحسين
ننزل لطف كربله انشيل العلم
باجر انداوي كسر ضلع البتول
باجر انردلهه حكهه اللي انهظم
باجر الكرار نعلنله الولاء
نجدد البيعه لعلي وننصرله خم
باجر انهب كلنه من اجل العراق
نصوت لموطن علي بجلمة نعم
ــــــــــــــــــــــــــــــــــــــــــــــــــ ـــــــــــــــــــــــــــــــــــــــــ
بيه علينه// الوطن هذا شرفنه وبيه علينه
وبيه حسين شامخ بيه علينــه
باجر راح نعلن بيعه لينــــه
ونصوت للوطن كلنه سويـــــه
تحياتي لكم
الشاعر ابو سجاد الركابي

[ام فيصل]

الله عليك يبو سجاد

وعلى روعة هذا المداد النابض عذوبة واصالة

كل الشكر لك عزيزي على هذه القصيدة والكلمات الرائعة

وان شاء الله العراق بيكم يظل مرفوع راسه

حياك الله عزيزي وانت تزين صفحة الشعر بباكورة مشاركاتك عن العرس العراقي
وحفظ الله العراق والعراقيين من كل مكروه ورد كيد كل من اراد به سوءا الى نحره

بارك الله بيك
مع تقديري لك

[ابو سجاد الركابي]

شكرا لك اختي ام فيصل لمرورك البلسمي تحياتي لك وللاداره كافه

[امير الاحزان:]

سلمت يا ابو سجاد

فعلا" انه العرس الانتخابي الذي سيحدد مصير الشعب

مشاعر عراقي غيور ينتخي من اجل حقن الدماء
شكرا" لك

فائق مودتي وتقديري

[ابو سجاد الركابي]

امير الحزن كفاك الله شر الاحزان والبسك ثوب الفرح والسرور شكرا لك ايها العزيز تحياتي لك ابو سجاد