اتانيك او لهفتي تسابكَ العين

خلصتهن ورقة ورقة وماقريت
ورددت آخر رساله البيهة من كَتلك تعال وما أجيت
ليش ماجيت وشفتني أكسر الخاطر
أدور ع الصبح بيبانة مسدودة لكَيت
وليش ماجيت او شفتني
بس قميص مطركَ ويشرب جكَاير كَاعد بعتبة البيت
وماصدكَ تجي وتشوفك العين
وهم يمر علي يوم والاكَيك
لو صح البالي وأجيت يا زين
يضيع الساني مني وبيش احاجيك

اصيرن عين كلي بطركَـ جفنين
وأحير بيا جفن منهن اخليك
عليّ سوي فضل يالجيتك دين
تعال وداعتك بعيوني أخليك


اتانيك
اتانيك او لهفتي تسابكَ العين
ادري ماتجي بس انة تانيك
تمنيتك عمر وينه التمني
ولكَيتك بالتعب بس خاب ظني
وبعد ماعودتني بشوفك أرتاح
تريد اتروح يا ريحة التفاح

يسويه البخت وتروح مني
أنة من أشتاك ما أحمل الفركَة
أصيرن نار حته الماي احركَة
تذوب الروح اطيحن وركَة وركَة
وأرد التم ولا مكَطوع جني
يسويهه البخت وتروح مني
يسويهه البخت وتروح مني

للامانة للشاعر حمزة الحلفي