لو كلك احبك لو احب كلك

[ام علاوي]

خلك ماصرت لو ما خليلي تصير
وصرت خلي برضاتك جي صرت خلك

علمتك علية من الالف للياء
تغلط بل اجابة وانا اعدلك


حرثت الخاطرك بالروح حرث الكاع
وبوسات ورد كل عمري اشتلك


شمعة انتة بحياتي وعمري ضلمة ليل
شعلت روحي وخفت ماشعلك اشعلك



خاف سنين عمرك تحترك بالشوك
اضملك كمت من عمري اعزلك


وعليك تسودنت مو بس اخاف عليك
واحل روحي واكضك خايف تحلك


واغمض من اشوفك واخدر على الصوت
غلطة انتة بحياتي وابد مازلك


جم بليس اطرد من يوزني عليك
وجم شيطان ارجمة بعمري واشتلك


ماصيرن نبي بس راهب انا وياك
بآيات المحبة بشوك ارتلك


وشلي بغيرك انتة والكة مثلك وين
وتتعب تلكة غيري بهل تعب شلك


ياهو العلمك وتريد تمشي بعيد
سل الشوك خايب باجر يسلك


مثل ضلك جنت بل خطوة نمشي ثنين
ومشيت انتة بظلام وضيعت ضلك


دليني عليك سنين تايه بيك
وامشي وياي ادورك خاطر اندلك


عرفني شخصك رايد احجي وياك
بس كلمة وبعد ماغيرها انكلك


وحدة من الثنين او وحدة راح اختار
لو كلك احبك لو احب كلك


اسال ليش احبك حتى اكلك ليش
وليش شما تسوي وياي اقبلك



لحضة موت عمري سنين كلهن خوف
بس وياك أأمن لمن اوصلك


وانتة اخر نفس وشكد عزيز تصير
وبلحضة الموت تريدنة انملك!!


خيط على الجرح بلحم صرت وياي
لو كل الجروح اطيب مافلك


تعرف كلشي بية وماعرفت اشبيك
لغز حلك لغز من يكدر يحلك


واشرد حتى اجيك ومدري ليش الخوف
خاف تخاف مني بسدك اختلك


مثل ضلك اضل والليل يكضي الليل
من تطلع شمس من طولك انزلك

................

مماراق لي

[ملهمة الشعراء]

الله الله قصيدة رووووووووعـــــــــــــــــــــــة
امـــــــــــ ‘ـــــــ عــــــــــــلاوـوـوي الــــــــــــوردة

[حسام فارس]

شنوا انتي ام علاوي تسلم ايدج ياورده
نقل رائع تسلمين شعر رائع ياقرنفلة
منتدى الفرات تقبلي احترامي وتقديري

[اليتيمة]

ام علاوي قصيدة جميلة ورائعة تسلمين ياوردة
دومج مبدعة
تحياتي

[الشاعر ماجد الدعمي]

خلك ماصرت لو ما خليلي تصير
وصرت خلي برضاتك جي صرت خلك

علمتك علية من الالف للياء
تغلط بل اجابة وانا اعدلك

حرثت الخاطرك بالروح حرث الكاع
وبوسات ورد كل عمري اشتلك

شمعة انتة بحياتي وعمري ضلمة ليل
شعلت روحي وخفت ماشعلك اشعلك

خاف سنين عمرك تحترك بالشوك
اضملك كمت من عمري اعزلك

÷÷÷÷÷÷÷÷÷÷÷÷÷
عودتني اعليك من اول صباي
وارسمتك قصدتي بدمعتي اكتبلك وعليك اتعلمت لكن ماغلطت وياك

بعيوني جنت من تسأل احلفلك
ذبلني العطش لكن كرهت الماي

ما اروه ابد لوما طعم شفتك
اكتبلك شعر واختارك العنوان
وتحير القوافي شرادت تكلك
انت بوسط روحي وبالنبض الكاك
امل اسمي وحياتك وانت ما املك
يل طولك يسولف والحواجب موت
ووجناتك ورد ووسادته ظلك
يبو شفايف عسل والشايلات اسرار
من كدك حبيبي ومن يصل كدك
مو اخدر اتيه لو اشوفك يوم
احس كل الجوارح انت يردنك

تحياتي لك ام علاوي
وشكرا للقصيده الرائعه والمميزه
ننتظر جديدك وتقبلي مروري
وكلمتي هنا
ماجد
الشاعر

[ام علاوي]

ملهمة الشعراء ...انرتي متصفحي بنورك الساطع
عزيزتي لاتحرميني هذه الاطلاله الجميله
لك باقات من اجمل الورود

[ام علاوي]

ابو هبه ... اخجلت تواضعي برقة كلماتك اخي الطيب
لاعدمت تواجدك الدائم
لك مني ارق التحايا

[ام علاوي]

اليتيمه ... اسعدني مرورك جدا
لاحرمني الله تواجدك
وانشالله دوم التواصل
قبلاتي