شتفتلها بعد مصطاف العراقي

شتفتلها بعد انحلت

عكدت الخيط

تلضمني غفل

وتبيعني لابره

وتخليني بفتك

وتكلي ما مفتوك

مو آنه الغشيم

واعرف النكره

توصفلي النخل

وتكلي يطرح تين

وتوصفلي الجبل

وتعاين الحفره

وتوج بيه حطب

وتعاين الدخان

تدريني خضار

شيشتعل جمره

دخانك علا

طير البلابل طار

غسل جنحه

ورفض يعود للشجره

انفطر لوح البلم

من دكه البسمار

مانكدر نكول

مسيس بنهره

ولانلكى المعيبر

الوكت تالي الليل

وعلينا هواي كلش

بعدت العبره

شفت غيمه اجت

يدفعها روج الريح

وانا بحاجه وتكلي

شتنفع المطره

ذبل عودي ادنك

من يمر تيار

على فصوم الثلج

شكد طاحت الكطره

قلم صاير حديد

من انضرب جاكوج

اطاير شرار

وانحت الصخره

وامد جف الهرش

يلزم هذاك الصوب

وعلي الماي اهده

وافتح المجره

تحياتي مع التنبيه

القصيده وجدانيه

عاشت وسلمت الايادي على هذا الابداع ياشاعرنا الرائع تقبل مروري وتحياتي0000

[ام فيصل]

شفت غيمه اجت
يدفعها روج الريح
وانا بحاجه وتكلي
شتنفع المطره
ذبل عودي ادنك
من يمر تيار
على فصوم الثلج
شكد طاحت الكطره
قلم صاير حديد
من انضرب جاكوج
اطاير شرار
وانحت الصخره
وامد جف الهرش
يلزم هذاك الصوب
وعلي الماي اهده
وافتح المجره


ايها الرائع
لمدادك واحساسك
الف تحية من القلب
قصيدة جدا رائعة
ومفردة جميلة
لاحرمنا هذا النبع الفياض عذوبة
وننتظر روائعك القادمة
مع تقديري

شكرا للاخ سعيد الناصري وشكري موصول للاخت العزيزه ام فيصل اسعدت بكم