بس أنته....
كلشي وكلشي ماكو
وكلشي بالكلته..
بس أنته...
نكطت كصه التاريخ
من توكع تكع كصته..
ولهذا السبب
كلشي الك رخصته...
وكتـــــــــــلك
أحب أبجيلك
وكل جرح
الحصلنه أعله مودك دم يغنيلك
مثلك ماشفت بالناس
(لا لا لا لا والله والعباس)
بالي أصبحت
من أصبحت
ما أكدر بلياك
وأنساني من أنساك
.................................................. .......................
وبس أنته...
مثلك ماشفت بالناس بس أنته
وحته الناس مثلك جذب شايفته
وبس أنته...
تمشي أبلا جدم عالريح
ممشه الصوت..
مثل الموت تلفي وتذبح السكته...
وبس أنته...
باللسان
السوالف عشت
مرسه أهموم
نبض الأمس
نبض اليوم
وياهم الي يرسه
أتعيش سالفته...
وبس أنته...
تريد وما تريد الراد والردته...
حب يمشي نبض
عالكاع
حال أترب
تلومه الناس يدفن
لجن دافنته...
وبس أنته...
مالك كل صديج
الريج عندك ضيج
من تنشف تموت الخلك سالفته..
.................................................. ..................
وبس أنته...
دمع كل عين ساجبته...
هم الناس عايشته..
(وسالفتي طويله وياك)
وين الكاك
وأني وياك واحد يندب الثاني
لا شايفني لا شفته...
ضايع وأنته منك فقط بس أنته
وين الكاك..
.......................................الشاعر حيدر كشمر الزيادي الشاميه الديوانيه الشاميه........... ......