قصيــــــــدة إلى أمي الحــــــبــــيــــبــــة
إلى أغلى حبيبه.......... إلى من ملكة شغاف قلبي
إليكِ أنتِ........وحدك ................
مع اعتذاري الشديد في تقصيري.........فاقبلي عذري
أهديك أبيات قالها الشاعر_سعيد الغامدي_ أبوسند_ رحمه الله
قالها قبل وفاته بيومين
اعقدينـي فـي ثيابـك .. و اسحبينـي
و اوطي برجلك على صفحـة جبينـي
وان تـحـداك الـزمـن ولا تـعـدى
في وتر قوسـك هببيني .. واطلقينـي
والله لانحر دون دمعك .. ولد عمي !!
وكان ما كفاك .. دونـك فانحرينـي !!
انتي أغلى من وطت رجلـه .. ترابـي
وادفى من راحته .. ضمـت راحتينـي
وازكى ريحٍ نسنس بصدري .. عبيـره
واحلى وجـهٍ تمتلـي بـه .. مقلتينـي
لو عطيتك: شوفي .. ونبضي .. ونفسي
لا وربـي!! .. مـا تجملنـي يمينـي
وان سقيتـك دم قلبـي مـن وريــده
ما جزيتـك عـن حليـبٍ ترضعينـي
هاكي أغلى مـا سكـن بيـن المحانـي
والسموحه عن قصوري .. واعذرينـي
دام بين الساق تـيّ .. والسـاق جنـة
فاعتقينـي فـي رباهـا .. واتركينـي
عل ربـي يرحـم صغيـرك ويرضى
يـوم اقبّـل حذوتيـك .. بشفتينـي !!
$$$$$$$$$$$$$$$$$$$$$$$$$$$
وهذه أيضا قصيده أخرى لنفس الشاعر
ذيــك الـدمــوع الـلــي عـلــى خديـنـهـا بـانــت
خـلـتـك يـــا دمــعــه عــلــى عـيـنــي تبـيـنـتـي
يـمـه .. ولــو زانــت مقـاديـرك ولـــو شـانــت
من لك سواي انا... وانا من لـي سـواك انتـي؟!
خذتـي مشاعـر خافقـي .. وبصـدرك انصـانـت
الا الـهـوى هــو مــا بـقـا .. فاخـذيـه لا هنـتـي
هـاكــي البـقـايـا كـلـهـا ان زانـــت... فـزانــت
وان لم تزن .. شانت ظنوني ... وانتي ما شنتي
لا كـــان فـعـلــي لــــو يضـيـقـكـم ولا كــانــت
لـيـلـه يـنـادونــي بــهــا (رجــــال) ان هـنـتــي
يمـه وانــا سـعـدك .. ولــو لــي عـثـرة خـانـت
ماظـنـتـي هـقــواي تـبـعـد فـيــك لـــو صـنـتـي
بـنـت الشـيـوخ الـلـي عـربـنـا لاهـلـهـا دانـــت
اخـــــت الـــكـــرام مـزبـنـيـنــك لا تـزبـنــتــي
زوجـة صـخـي الـنـاس مقـسـي جــذوةٍ لانــت
أم سـبــعــة ذيــابـــه ســنـــودك لا تـسـنــدتــي
بـــــرارة الـشـيــبــان لا شـيـبـاتـهــم خـــانـــت
مــــدادة الإيمان كــــم هـبــتــي وعـاونــتــي
تــلايــة الــقـــران لا مـــــن لـيـلـتــك حــانـــت
صــوامـــة الأيام مـــــا فـيــهــا تـهـاونـتــي
يـمـة .. إلى مــن ساعـتـي بـانـت لــك وآنــت
ومـــت مـتـغـرب وجـيـتــك لابــــس اكـفـنـتـي
تـكـفـيـن صــــدي دمـعـتــك لا مـنـهــا هــانــت
صونـي دموعـك مـثـل مــا مشـاعـري صنـتـي
وارضـي علـي .. حتـى ولـو لـي عثـرة بـانـت
منـك السموحـه .. يا بعـد راســي ... ولا هنـتـي
رد مع اقتباس
مشاركة: قصيــــــــدة إلى أمي الحــــــبــــيــــبــــة
