دموع التماسيح
والي تبچي بدمع مثل التماسيح
ماريدك تجي وما ريد..... أعذار
مو جرحك يوّن ليهسه ويصيح
تجي يمي اشتعل ...ما أطفه لو شبيت
مونار الگلب ماترهم ويه الريح
طحت غلطة بهواك وهسه ندمان
بعد ماأغلط حبيبي وبعد ماأطيح
ماريدك تجي يلجيتك ..........آه
ماأنطي الگلب هالنوب تصريح
وهبتك كلشي ردته أنطيتك هواي
وادعيلك في صلاتي وبالتسابيح
اشيلك خاف تتعب وانجبر بيك
الك ذرعاني صارنلك مراجيح
وانت گبال ضيمي انطيتني هموم
وفوگ الهم حبيبي النوب تجريح
ماريدك تجي ومالي نفس بيك
وحبك من كياني أنطيته تسريح
وراح امسح هواك وأنسى الاهات
لأن دربك حبيبي بعوز تصحيح
وأريد ارتاح گلبي بحبك أنعاب
وبعد هيهات گلبي يفيده تصليح
أريد أحچي بصراحه وياك علمكشوف
ما راوغ بعد ..........ما أحچي تلميح
لأن منك بعد.......... ماأرتجي الخير
وقاموسك حبيبي بعوز تنقيح
ودربك يبقى اظلم مايشوف النور
لو تعلگ ألي العشرة مصابيح
لو تعلگ ألي العشرة مصابيح
الشاعر حاتم الهاشمي منقول
رد مع اقتباس
