هلا وسهلا بيك توه الفرح تم
لو مايجي مكتوب جا كلبي طك دم
اشلوني لو ن الماي ماعدي كل لون
وطفح صبر لعداي لمن يشربون
بسك تراهي الروح اتحملك اذنوب
سا عه او تبين بيك شهكات الغروب
لاتظن يوم انساك يلهمي بس بيك
وانه بحزن ها الروح سكته اطحن اعليك
عند عوض لبتوت كلبي من اداعيك
كلهن كضن تكطيع من ونتي اعليك
دمع اليحب لو طاح ماينحيب عيب
من كثر دمعي اعليك رمشي انكلب شيب
ابراضه كتله الشيب كال ارد اخزيك
اشكثر كبل اليوم اتوسلت بيك
اتصنت اعله الروح ونته تكطيع
ساعه بنفسه اظيج ساعه الهو يضيع