دارميات السلطاني

[الشاعركريم السلطاني]

كل شوفة من بغداد تسوة الملاين

لالندن وباريس توصلهه والصين
--------------
الينسة هالنهرين دجلة وفراتي
مايسوة نص اغران صدك يغاتي
-------------------
اشكد عزيز ايصير اتراب العراق
كلما تشمة اردود اتحسلة مشتاك
----------------العاف الوطن ياناس كل عمرة ضايع
صح يشبع من الزاد يس لهلة جايع
------------
العاف الوطن والدار جاشنهو عمرة
حي هو بس مدفون ونسحك كبرة
-----------------------
ماتلكة خم الكون من طيبت اهلك
ماتحس لذة ابزاد وملوحة بكلك
--------------
دوم اهلي رفعت راس مهما الزمن دار
ماتمد جف ابعوز مهما الزمن جار
----------------
الرجو تثبيت هذة الابيات ان سمحتو النها تتغنى بالعراق الابي
الشاعر كريم السلطلني

[عمار الغزي]

اشكد عزيز ايصير اتراب العراق
كلما تشمة اردود اتحسلة مشتاك
عاشت وسلمت الانامل اخي الغالي
كريم على هذه الباقة الرائعة من الدارميات
لا حرمنا الله جديدك شكرا لك تقبل تواجدي
بصفحتك اخي الغالي

[الشاعركريم السلطاني]

شكرالك ياعمارعلى هذا الدخول الرائع

[ام فيصل]

اشكد عزيز ايصير اتراب العراق
كلما تشمة اردود اتحسلة مشتاك

مبدع يالسلطاني
دامت لنا هذه القريحة الأصيلة

كل الشكر لك ولجميل حرفك

[الشاعركريم السلطاني]

شكرا لك ياام فيصل على دخولك المشرف ياعزيزتي
السلطلني

[mohannedfa]

والله دارميات اكثر من روعة عاشت ايدك يا ورد.تحياتي وتقبل مروري.

[الشاعركريم السلطاني]

تسلم على هذا الدخول واشراقة رحبة في فناء صفحاتي تحياتي

[شاكر الهلالي]

دارميات روعه اخويه كريم وتسلم الانامل الذهبيه 0