ذوبت كلك بكلك

[عبد الكريم البصري]

ذوبت كلك بكلك
وقطريتك بالوريد
من شفت ما كفه بعضك
شلت من دمي الحديد
صرت انت بدمي تجري
وشكثر انه سعيد
يل مليت الكلب فرحة
صار الي كل يوم عيد
صرت اركصلك واغني
رجعتني طفل العب من جديد
الله يعلم شكد احبك
يا اعز واجمل حفيد
اخذ كلبي اخذ روحي
اخذ مني شما تريد
بس لا تبتعد عني يغالي
انه من دونك وحيد

[ام فيصل]

صح لسانك عزيزي
ودام لنا هذا المداد النابض
مفردات واحساس جميل

شكرا لجميل ماسطرت
ولك مني اطيب التحايا

[الشاعركريم السلطاني]

احسنت يالبصري على هذة المقطوعة الرائعة
تحياتي لك ياعزيزي
السلطاني

[عبد الكريم البصري]

شكرا لك ايتها الاخت المتألقة
على مرورك

[عبد الكريم البصري]

شكرا لك اخي الشاعر
على ردك الجميل
وتشجيعك للاعضاء المشاركين
والف تحية لك مني

[السومري71]

الله ما احلى واعذب ما كتبته اتمنى لك التوفيق