أي أحبك...بقلم الشاعره سماح...أرجو تقييمها
أي أحبك......
عالي كلبك ما ألوحه وكلبي بجفوفك رهن ...
وبين خدك والحواجب يامه غركتلي سفن...
والله لوتدري بمحبتك؟؟
رحه و آنه تكول حنطه وتطحن بروحي طحن..
يـــــــــاغيابك...غرس بين ضلوعي خنجر والف طعنه وحسره تخنكني امنون....
وجهك ابكل سجه اشوفه..شما مشيت..شما أغمض ...وانته بس الصوتك بذاني يرن...
وعطرك البنفاسي باقي ابكلشي اشمه.. ابكل قصيده.. وكل زويه.. وكل ركن...
وجفي جي غافي اعله شعرك آنه كل شوه اشمه.. ومره ابوسه وعني كالوا راح اجن...
تفز فزة حيه روحي لنغمة الناي امنشوفك..وشهكة المذبوح أشهك من احن...
آنه كل مره امشوفك جني أول مره اشوفك..وانسه روحي اكبال حسنك وانفتن...
أي أحـــــــــــــــــــــبك...يلي منك ماشفت بس العذاب..وماخذت غيرالجفه وغير الحزن...
أي أحـــــــــــــــــبك وادري بيك بظهري خنجر..آنه منك أستلذ حته الطعن...
آنه كلشي البيك احبه ..امنالتراب الفوكه تمشي..ولحد لون عيونك ورمش الجفن...
هاك اخذني ...
هاك احذني احجايه حلوه ..وبيه سكت لو حجت كل اللسن...
هاك اخذني لحزن كلبك شفه تضحك..هاك اخذني لسهر عينك غفوة الليل اليجن...
هاك اخذني وذب عليه اهموم روحك والله اصيرنلك متن...
آنه طير الكسر جنحه لخاطرك عاف السمه ورادك سجن...
آنه لنطيتك اورودي ..وأدري جفك منجل ايكص الغصن...
آنه نجمه اللي انزلتلك..باست اترابك ورادت جوه رجلك تندفن..
آنه آمنت ابغرامك..وايقنت يكتلني حبك..وانته ليهسه تظن؟؟
كلبي جن عصفور بيدك..لا تخنكه ابصوته ونه اتطربك احله امناللحن...
علمتني اعله التعاسه وشككت ضحكاتي كلهن حته بس بيك امتحن...
والعبت دور الشفايف ردت اغشش روحي واضحك..بس جنت كلش فطن...
والمحت بسمه اعله شفتي.. واصدرت حكمك مؤبد..أبقه من جرحك أون..
أبقه من هجرك أون...
رد مع اقتباس
