أولى مشاركاتي ... في رحاب الإمام الحسين (ع)
عين التبچي دمك لا تظنها تجف
واذا نشفت سماء السبعة منّ الماي
حبر اللي ينصفك لا تظن ينشف
لابن آدم أجل لو طال عمره سنين
وانت بلا أجل لو عمرك توگف
تظل للخلد مشعل بيد كل لجيال
ومن كل جيل لا بد ما يرفعه چف
إذا يمثل يزيد الباطل بكل دور
مثال الحق تظل وبيك إحنا أعرف
فرق بين التعرفه الناس بالفطرة
وما بين العليه تريد تتعرف
إذا دين النبي ما ثبت إلا بيوم
ظل دم منحرك فوگ الترب ينزف
إذن ليش التكبر والعناد وياك
يا أقدس واعز من بالأرض واشرف
شيضرك لون ذمتك كل الناس
وشيفيدك لون مداحتك تصطف
الشمس ما ينحجب ضيها عن الأشهاد
ولا يضاعف ضواها شموع تترادف
يا أكبر عشگ وسط الگلب محفور
ويا أعظم شهيد اللي انذبح بالطف
هذه أولى مشاركاتي عبر صفحات منتداكم الكريم أرجو أن تلقى قبولكم
رد مع اقتباس
المشاركة الأصلية كتبت بواسطة نبع المحبة
