الفرق بين الغني والفقير

[مصطفى الفراتي]

اذا تكتب شعر وضح كلامك زين صحح بالكلام ورتب اسطوره
وخل الناس تقره وتعرف اللي يدور في هذا الزمان سنينه وشهوره
اريد اسال سؤال ومن يجاوبني لان بعض البشر هالوكت مغروره
عجب ابن الفقير اذا تمرض ليش محد يصل يمه ولحد يزووووووووره
واذا ابن الغني بس كال كلمة اااه تشوف الناس تركض جنهه مذعوره
هذا الشايل البيبسي والجكليت وخبصه الناس يمه وكلهه مقهوره
لان هذا ابوه يمتلك سيارات ويم الباب كم قاطره ومقطوره
وابنه مدلل وبي ام بباب البيت ويمتلك اجمل جهاز وكامرا وصوره
وبيته مطبكه بمرمر وسيراميك وحلك السبع طرمته بنقش محفوره
ويشغلك سبلت ومكيف وتبريد واكو ناس عالبساط ويضرب حروره
واذا تكعد كبال جامة الشباج بقت بس الاثر والجامه مكسوره
اريد اصبر واضل صابر مدى الايام ولو بالصبر شفنه انواع المروره
اريد احزن على نفسي حزن بغداد اللي ذبحهه القهر واصبحت مهجوره
تره مطلوب من عدنا زلم وسلاح وكل مدينه بالبلد اصبحت مخطوره
مدري لشوكت نبقه احنه بهالحال نمشي بالعكس والروس مديوره
منقول

[رشا]

شكرااااااااااااااااا على موضوع روعه تقبل تحياتي

انتظر مزيد
مودتي

[امير الاحزان:]

اذا تكتب شعر وضح كلامك زين صحح بالكلام ورتب اسطوره
وخل الناس تقره وتعرف اللي يدور في هذا الزمان سنينه وشهوره
اريد اسال سؤال ومن يجاوبني لان بعض البشر هالوكت مغروره
**************************
الله الله عليك يا مصطفى
احسنت الاختيار اخي
قصيدة في الصميم..
دوم التواصل ياارب
تحياتي

[عمار الغزي]

صح لسانك حبيبي مصطفى
عاشت وسلمت الايادي
تقبل مروري