ابوذيات لعيونكم

تزيد دموعي عالانهر وترهه

وجبدتي انكطع بافركه وترهه

يريتك تنظر الناري وترهه


حركتني وحركت الثوب العليه




شــع نار البخده ونولينه

وصحنه النار اجتنه ونولينه

غشتنه العواطف ونولينه

اثاريها عواطف كاذبيه



ظعنهم جا لسحابه عرج ومرار

علينه وجرعانه زهر ومرار

الف نوبه جفانه الولف ومرار

اصيحن اله صدايه يرد عليه



لجرح الكلب متوالم يمرهم

النودهم بالجبد يلهب يمرهم

لابد يذكر احبابه ويمرهم

كبل ما ترهم انفاس المنيه



الدهر فوك الجفـــه عيونك وتاهن

علــي وشــردن افكــاري وتاهن

غاب النوم من عيني وتاهن

السهر والنوح والهم والاذيه




منقوله

من كتاب روائع الابوذية والموال

[امير الاحزان:]

الدهر فوك الجفـــه عيونك وتاهن

علــي وشــردن افكــاري وتاهن

غاب النوم من عيني وتاهن

السهر والنوح والهم والاذيه
*************

وعينك سالمه يامهلهل
ابوذيات جدا" راقية
نتمنى لك دوم التواصل
وان تتحفنا بالمزيد
مودتي القلبية

[عمار الغزي]

عاشت وسلمت الايادي اخي الغالي
تقبل مروري

[ام فيصل]

دام لنا هذا الحضور
باقة جميلة من الشكوى والشجن
دمت بهذا الإبداع
اختيار مميز
مع تحياتي للزير

اشكر تواجدكم في متصفحي المتواضع

دمتم بالف خير

[الشاعركريم السلطاني]

تسلم ياعزيزي علة هذة الباقة الرائع وتسلم جهودك يالغالي
السلطاني

شكرا لك اخي السلطاني على مرورك الكريم

دمت لنا بالف خير

تحياتي لك

[أنثى شرقية]

شــع نار البخده ونولينه

وصحنه النار اجتنه ونولينه

غشتنه العواطف ونولينه

اثاريها عواطف كاذبيه



عاشت اناملك لاختيارك المميز
تحياتي