ابوذيات مختاره انشاء الله تعجبكم

شلونكم حبايبي اليوم جبتلكم ابوذيات مختارة عجبتني وحبيت تشاركوني بيها

طحت بهواك يمدلل تراني
ومريض ونايم بردهة تراني
وفصيلة دمي o+ تراني
وبس دمك يحلو يرهم علية

*****************

احبك وما احب غيرك ولا امل
وكلبي ما شبع منك ولا مل
امل الناس كلها ومنك ابد ما امل
لان حبك زرع مزروع بية

*****************

هجم حبكم على سنيني وغزلها
وروحي بمغزل الحسرة غزلها
العصابة بس الك لايك غزلها
واظل ممنون الك من تسال علية

***************

اريد ارسل سلام بشوك بسمك
وافرح من يواجه المرسال بسمك
نجم اصبحت يازين بسمك (( بسماك ))
وانت الشمس من تضوي علية

**************

اصيح بصوت وانتة وياي رد رد
احبك لا تروح بعيد رد رد
اذا جتك رسالة شوك رد رد
لان ردك يرد الروح الية


انشاء الله تنال اعجابكم

منقول

[وحيد ابدنيتي]

اصيح بصوت وانتة وياي رد رد
احبك لا تروح بعيد رد رد
اذا جتك رسالة شوك رد رد
لان ردك يرد الروح الية

الله اختي الكريمة هديل الحمام
باقة جميلة من الدارمي
شكراً لحسن الاختيـآر ..لا حرمنا الله جديدكِ

تحياتي وتقديري

[الدراجي 22]

عاشت الايادي

ابو ذيات روعه