اقوى جذبه لعام 2009

[ام علاوي]

اليوم خلال تجوالي بالبايسكل البي ام مالتي لكيت هالخبر
وطبعا صاحب القصه مقبل ينطيني القصه بس تالي شاف علاوي ابني حلو ومدبدب ويضحكله اشو انكسر خاطره جان يكول هاي لخاطر علاوي رح انطيج القصه حصريا ( هم نعمالله عليه مو ؟؟ وخلفله على علاوي)
المهم اخليكم ويه القصه

........................................

هلاووووووووو شباب شلونكم ادري بيكم زينين

طبعا اريد اكوللكم شي بس يكون سر بيني وبينكم ( يمكن لو حاجيهه بكهوه احسن)

طبعا محد يدري بيه اني foraten.net/?foraten.net/?foraten.net/? هاي اول مره راح احجيهه الكم لان انتو طيبين وادري متطلع حجايه منكم
طبعا اني foraten.net/?foraten.net/?foraten.net/? من زمااااااااااان بعيد القريب
يعني من جان الكيس بطح والماوس ابو الدعبله الصول

المهم مره كاعد ع الحاسبه هذا الحجي بسنه (الف وتسعميه وعشرطعش )

المهم ما اذكر بالضبط السنه بس اكيد هاي لان ذاكرتي كلش قويه

كاعد باليل ع النت وجنت ضايج كلت خلي اخترق البنتاكون والبيت الابيض

ودخلت منا وجبتهه منا ووديتها منا وجان اخترقته كالرصاصه عندما تخترق جسم الانسان

ودخلت على ملفاتهم وسويتلهن كوبي بيست لحاسبتي طبعا حاسبتي جانت 99999 ميكا بايت يعني تتحمل كلشي

ومن نسختهن يهمي سويتلهن لحاسباتهم (delete )

وعينكم لتشوف شصار
بوكته جان الرئيس مالتهم بوش الاب
شنو الا شويه يبوس رجلي خبصني بالتلفونات دك عـ الموبايل وعـ الارضي واني مغلس
تالي دزلي رساله كالي بالخوه الي ابيناتنه شيله التلفون

عاد اني كلت خلي اشوف شبي هذا اللوكي

فتحت خط كالي هاي مان
كتله لا مان ولا صخام بوجهك تحجي عربي لو اسده كالي صار احجي ليش لا
كتله انطيني الزبده ووين مربط الفرس من الاخير بدون مقبلات

كالي عمي اجيك من الاخير

كال بس رجعلنه الفايلات وشتريد اني حاضر

كتله امشي امشي ارعن متستحي لعنك الله

كال هاي شبيك خويي
المهم ضل يتوسل يتوسل
كتله دمرلي للبيت
الله لا يجذبني وره 4 ثواني لكيت البيت ينهز صعدت للصطح والكه الشينوكا هابطه ع السطح (شوفو الفيل من اطيره)
نزل يبوس بيه ومن هاي سوالفه

عاد رحنه للكراده شربنه اركيله وكهوه واتفقنه اهدهن بمليارين يورووووووووو
كال اوكي عاد كمت دا ادفع الحساب مخلاني انطاهم نص مليون دولار مال اركيله والكهوه (هاي شلي بيهه حتى بالهند مصايره)هع

لان جان فرحان انطه بقشيش للعمال نص مليون دولار

والله عاد رجعنه للبيت دز ع الفلوس وانطانياهن ورجعتله الملفات

ضل يتوسل دتعال اليوم يمي ع العشه كتله عيوني اشكرك متريك

وهاي هيه خلصت القصه

.....................
طبعا (مصداقيه تحت الصفر ههههه)

تحياتي

[حيدر القريشي]

ههههههههههههههههههههههههههه
ام علاوي يمعوده همزين وكَعت عليه البنكه كوه وخرت منها
ههههههههههههههههههههههههههه
يسلمووووو ع الصدكَ الخنفشاري
تقبلي تحياتي وتقديري

[ام علاوي]

حيدر القريشي ااسعدني مرورك اخي
نورت الموضوع بأشراقتك المعهوده
لاحرمت هذه الاشراقه
تحياتي

[ام علاوي]

احب دلعي تسلملي هالطله الجميله
نورتي الموضوع عزيزتي
تحياتي

[امير الربيعي]

هههههههههههه عاشت ايدج ام علاوي دومج مميزه في مواضيعك الجميله نتضر ابداعك المميز

[الحلم الوردي84]

ههههههههههههههههه ام علاوي لو مخابريني اجي وياكم عفيه عالجايات خاف تحتاجون مساعده
مشكوووووووره حبيبتي عالابداع المتواصل

[ام علاوي]

امير الربيعي نورتني عزيزي
دومك مميز في مرورك وردودك العطره
لاتحرمني هالطله ياطيب
تحياتي

[ام علاوي]

الحلم الوردي عيوني منا وهيج تدللين وبوسط عيني
عفه عليج اني مااخابرج ؟؟ اصلا كل زغيره وجبيره الا اخليج بالنص هههههه
شكرا عزيزتي على المرور الخفيف الظل
دامت النه هالروح المرحه
نورتيني حبيبتي
قبلاتي