قصيدة غزل رائعه للشاعر المرحوم محمد الغريب
ياللابس نهار الله أعله وجهك ثوب
وهديت الظلام بمتنك يجلجل ...
شمتريك هوا ..؟ شو تضوي كلك ليش
وأمشط بليل وهندسك يكتل ...
متعلعل بحبك وآنه قانع بيك
وأرضى آنه من أموت بحبك أتعلعل ...
يالنكلات جدمك شبه ممشى الريم
وهزات الإدين مكملة تكمل ...
ياهو الشوهلك يمعدل البنيان
وحط كل خلكه بيك وجيت متسلسل ...
لا هدن عثوكك رايج الرمان
ولا ميل بخصرك ذاك المحمل ...
صبك مسطرة وخصر النص البيك
أوسع خلكه بيك وظل عمر يفتل ...
يا رسام خط أحواجبك كالقوس ؟
وسهام الرموش امنبله تنبل ...
يالعينك جزيرة أدور بيها الخيل
وماينسمع منها الصوت من تصهل ...
خلطه من الزبد وي كيمر المعدان
وناكع بالحليب الطول اليهلهل ...
جنك كهرباء تنور من أتفوت
يا سيد الغيد وشارتك تنتل ...
ومن حمل أجدام الأظن تنطي أمراد
وخله أكلوبنه أعله ترابها تحول ...
وشباج أعله ظلمه محوطه بضويات
سبحان اللي صور عينك التكتل ...
يالممشاك جن ركصة طرب عقال
تنود بمستحه وتتعزل أتعزل ...
ومحبس ذم رسملك حلك شاب الكون
نعوف الماي قطعا لو رضه يسبل ...
من روائع الشاعر المرحوم
محمد الغريب
تحيــ الطائي ــاتي
رد مع اقتباس
رد: قصيدة غزل رائعه للشاعر المرحوم محمد الغريب
المشاركة الأصلية كتبت بواسطة ام فيصل
