عيد المكابر
ايا عيد المكابر هل نريد انعايد الموتى ودمعنة ايهل
ايا عيد المكابر هاك حزن الفاكدات ارواح جانت ظل
مهي ترتاح تدري الروح لوهلت دمعها العين لجل الخل
ايا عيد وحزن عاشور بيك اندار سبايا الطف سبتنا الكل
عساها بذمة الاديان يادين الفتة وخلة كتلنة ايحل
وعساها بذمة الذمة يكلنة انكول موهشكل يامشكل
طلك بينة الصبر عمرين وثلاثة وصبر هذا الوكت يكتل
الى يامت يظل المستحة والخوف لابس ثوب ثوب الذل
والى يامت جناب الحق يظل مكسور جنب الباطل ويكزل
مهنة ثنين معروفات دنيا واخرة وبيهن عدل يعدل
ماشفنة العدل لاخاطر النة الطاب بس الخير كام ايقل
الدنيا دنيا الزنكين بفلوسة الحقيرة مدلل ادلل
جنة بجنة الفردوس عايش منتجي بعرش الجليل ايجل
وتبقة الاخرة بعدين عود انموت ونشوف الحقيقة اتطل
ولو محد طلع مفشوخ من كبرة وجفنة الزيج متهدل
لجن احنة اهل ايمان بالرحمن من يمهل ولا يهمل
اشو هسة انهمنة وصرنة للتاريخ اكبر مزبلة اتخجل
نموت انعيش مانعرف بس نعرف نكضي ايامنة ادجل
كتبت هذه القصيدة
للشاعر
مجيد عامر السعدي
مع تحياتي وسام الساعدي
رد مع اقتباس
