منحت حبيبي العــــــــــــراق
كل وكت اليجي يجسحنه طوفان .... ومن يكضي يجينه الثاني اشواط
تاجرنه وربحنه صفقة احزان ......... من الموت اشترينه اعمارنه اقساط
ترسمنه المنايه بلوحة اشجان ..................... وتشد المكابر النه انواط
رضعنه من الرزايه اصناف والوان .......... وتكمطنه النوايب بيدهه اكماط
صار الدمع تحت الجفن عنوان .................. ومفصل علينه هالحزن قاط تغربنه وصفينه اشتات بلدان .......... عكب ذاك المضيف ومدت اسماط
عراق الخير وسفه اتلوحه نيران ........ ومتنه اتوسم ابضربات ال سياط
باكونه الضهر منصير عميان ..................... دصحه يا وطن وفهم الرباط
حرامي البيت باكك ونته غفلان .......... نطه الناطور حصه وزامط ازماط
عبرتلك اوجوه الصفر بلدان .............. وخيرك وقف صار ونفطك ابساط
وحريه الخذتهه ابين قضبان .......... دزهه امسلفنه شما يشتهي حاط
كل مركب كثر ملاحه غركان ............ بسمك سولفو كل ساعه نطاط
قسمونه حصص باعونه اوزان ............... ششكيلك وطنه بنومتك غاط
كوم ولملم اشتاتك يشعلان ................. يبن هذا الوطن ميفيد العياط
لا تأمن ابجارك ماكو جيران ............. انفتك ثوب المحنه شيرهم اخياط
رد مع اقتباس
رد: منحت حبيبي العــــــــــــراق
المشاركة الأصلية كتبت بواسطة سوسو العراق
