الى المرأة الثوره

الى المرأة الثوره

طول عمري ....


نجمه يحصدهه السهر


وطول عمرج....


ورده ذبلانه ابسنادين الظلام


ليشن نشفتي النده المايع عله اشفاف الغرام


ليش سديتي نزيف ايام عمري


لان جان يريد يرسم لوحه بالدم


لوحه تغتالين بيهه الشاعر وعشك النوارس والحمام


ليش طفيتي جمر ثورة جروحي


خفتي تخسر كل شياطينج بمعركة الامام


ليش ماحركتي بيه ارماد روحي


وضكتي كلبي ...


وضكتي طعم الدمع والماي الحزين


ليش ما شميتي دخان الشته وريحة الطين


انه مو شاعر غزل تنغر عيونه ... بركصة الصياد واسهام الريام


انه شاعر وجهي بيه ...


كل ابتسامات السمه وحزن الجنوب


وجهي بيه ...


كل شمس مكسوفه الضحه وموت الغروب


والجنوبي اليعشك ترابه وضميره


يفيض غيره


وطول عمره ... نجمه يحصدهه السهر


وطول عمرج ... ورده ذبلانه ابسنادين الظلام


ليش من مديت جفي


صارت اضنونج مناجل


خفتي من ارواحنه ايلمهه الصلح وتخضر اجفوف السلام


ليشن نشفتي النده المايع عله اشفاف الغرام


طارق صبار

[سناريا]

قصيدة جميلة واختيار رائع
دمت لنا مبدعاً
تقبل مروري المتواضع

[سلام الدراجي]

تسلم اخ طارق قصيده روعه
وبدايه مع الفرات اروع
اتمنى لك التواصل الدائم
وتتحفنا بما هو جديد
تحياتي وتقديري
وكل عام وانت بخير
وعيد سعيد

[مايلي]

قصيدة رائعة

دمت في هذا الابداع

تحياتي.

[امير الاحزان:]

انه شاعر وجهي بيه ...


كل ابتسامات السمه وحزن الجنوب


وجهي بيه ...


كل شمس مكسوفه الضحه وموت الغروب
*********
بداية موفقة اخي الغالي ابو زياد الورد
وحياك الله في رحاب منتدياتنا الادبية
نجما" ساطعا" ينير لنا الدروب
دوم التواصل اخي
انا هنا بانتظار جديدك
تحياتي
اخوك الامير

الغائب الحاضر المبدع الصديق العزيز الشاعر الرائع ابا زياد لك كل الود والاحترام
قصيده رائعه واليس غريب على مبدع مثلك اتحفنا من جود مشاعرك
تحياتي وتقبل المرور