ابوذيات روائع ونين

التمن مفردات الظيم والكم

علية ولا كلت لخوان ولكم

رغم هذا اكتبت عالباب ويل كم

ماي فريند كلمن مر علية
ـــــــــــــــــــــــــــــــــــــــــــــــ

انة الدهري بكؤسه السم سكاني

ومثل سوك الظعن بيدة سكاني

عكرني وجتف بحبلة سيكاني

حركني وماكفه ايريد البجيه
ــــــــــــــــــــــــــــــــــــــــــــ

الدهر بعصاب روحي ماطلاها

مطلها ودرب تنهض ماطلاها

حسافة اكلوب وسخة ماطلاها
بطيب اخلاق ونصاف وحمية

للشاعر العملاق
مجيد عامر السعدي

تحياتي وسام الساعدي

[مايلي]

مشكور على المجهود المذول

وفي انتظار المزيد من الابداع

[امير الاحزان:]

الدهر بعصاب روحي ماطلاها

مطلها ودرب تنهض ماطلاها

حسافة اكلوب وسخة ماطلاها
بطيب اخلاق ونصاف وحمية
**********
بوركت اخي الغالي لهذا الانتقاء الرائع من الابوذيات
وشكرا" لامانتك الادبية
اتمنى لك دوم التواصل معنا
وكل عام وانت بالف خير

[سلام الدراجي]

مشكور اخويه وسام ابوذيات رائعه
بارك الله بيك
اتمنى لك التواصل والابداع ويسلم الشاعر
مجيد عامر الساعدي
تحياتي وتقديري