قصيدة يسفانة
يسفانة العمر حدر ةلا كطرة بشواطينة
يسفانة الوكت اظلم علينة وحد سجاجينة
يسفانة الكضة عمرة يتحاسب على اسنينة
وخلصنة العمر غربة مامر الفرح بينة
شباب الما جزة العشرين جا شلة بثلاثينة
وجا شلة بمضيف الهيل لو كسرو فناجينة
ايا كهوة بوسط فنجان دكوها بجلاوينة
جا هاون يدك بليل ما نسمع هواوينة
يفنجاني مضيفك صار كصبة وشاجخة بطينة
شنكل للهل سلف باجر ضاعت كل محاجينة
ها باجر ترة الشوباش وتلتم كل دواوينة
ومكلوب الحجي لوصار الزين ايضيع وي شينة
وعيب وعار عالشهمين لو كالو تبرينة
تبريتو بوكاحة عين نسيتو بساع ماضينة
طحنة احنة ومشيتو انتم ونار الهجر تجوينة
يسفانة الوكت ميدوم مادامت اغانينة
هسة الوكت بالمكلوب دولابة يفر بينة
جنة احنة الكبل نلويه كام اليوم يلوينة
وخلانة شبه مصراع ياخذنة ويرد بينة
بصريم وشوك مشانة وحفاي الجدم جينة
عود الكم تعنينة شاطيكم طلع صيهود بي كسرت مرادينة
وصرتو بسوادة ليل من كسرت صوارينة
يسفانة عساها اتصير ابخت كلمن يجافينة
يسفانة العمر حدر ولاكطرة بشواطينة
شباب الماجزة العشرين جا شلة بثلاثينة
كتبت هذه القصيدة للشاعر
مجيد عامر السعدي
تحياتي وسام الساعدي
رد مع اقتباس
