تغيب الروح بغيابك واردها

[الامير العراقي]

روحي اشلون اكضهه من تهم بيك
ومثل تهمه يخايب منتهم بيك
الظيم اليمر بيه منت هم مر بيك
ولا جنك ونه مبين عليه.

حبيبي لا تظن انساك ولهه
دوه الروحي غرامك صار ولهة
الشفة والعين ترد عليك ولها
تدعيلك كل صباح وكل مسية

تغيب الروح بغيابك واردها
كتاب جفاك من عندك وردها
روحي بفركتك يذبل وردها
شمس انت وتنور الدرب ليه



وحق رصعة خدودك وحق شفتك
انسبيت بيوم وسط الخلك شفتك
إشيخلصني بعد شرتاح؟ شفتك؟
تبعد تقترب نفس الاذية

وكَع كَلبي بغرامك مات شيله
وترى كَلبي التعذب مات شيله
اخابر وانت تسمع وماتشيله
وينك ياحلو بس رد عليه




كتلني امبادل النــــــظره والاعجاب
ولع ماخــــــذ ولــــــع مني ولعجاب
رحت لاهل الولع اشكي والاعجاب

انا بكاروك حبك وانته هزني
صرت فرصه بحياتك وانته هزني
انه شجره محبتك وانته هزني
وخلي الورد يتناثر عليه
رموني من الولع بسهام ميه

م ن ق

[عمار الغزي]

حبيبي الامير العراقي يشرفني ان اكون
اول من يضع بصمتة بهذه الباقة الرائعة
من الابو ذيات لا حرمنا الله جديدك
تقبل مروري

[الامير العراقي]

شكرا بحجم السماء لتواجدكم العظيم
ومحبه بوسع الارض
وتقديرا بعدد النجوم
ردكم جماله لا متناهي
فأتمنى ان لاتحرموني اياه
مع اجمل تحيه مني

[الشاعركريم السلطاني]

شكرا يالامير على هذة الابوذيات الرائعة يارائع
السلطاني

[سلام الدراجي]

والله كلك ابداع اخويه الامير
اختياراتك تدل على ذوقك الراقي
تحياتي ومودتي

[الامير العراقي]

شكرا بحجم السماء لتواجدكم العظيم
الاخ كريم والاخ سلام
ومحبه بوسع الارض
وتقديرا بعدد النجوم
ردكم جماله لا متناهي
فأتمنى ان لاتحرموني اياه
مع اجمل تحيه مني

[مرام سامي]

كم اختيارك رائع ايها الامير العراقي ويدل على احساسك الرفيع لك تحياتي

[الامير العراقي]

مشكوره اختي هذا من ذوقج الراقي
منوره الموضوع
تحياتي