هاي زعلتنه الاخيرة

[سناريا]

جنيت هواي انته بعشرتي ذنوب
ولامرة شتكيت الحال منك
واعديهن واكولن تصفه الكلوب
ولابالظهر مره حجيت عنك
تحاجيني وكلامك مو حجي احباب
وابررهن واكولن صغر سنك

انه مليت منك تغلط وياي
ولامره ذنوبك حاسبنك
بعت عشرتك كوه ووجهي اندار
بس بداخلي تمنيت احضنك
صحيح الزعل يحرم شوف الاحباب
بس كلبي انته منه وهو منك

من ساْلوني عليك ماكتلهم منين
قسم احلى الكلام حجيت عنك
رجعتلك دمع يجري وذني العيون
عساهن بالعمه ماوادعنك
جروحي بداخلي بس انه اهم بيك
واني ادري بجروحك يوجعنك
الناقلك حجي ماناصح وياك
ولاخايف من الله الهمس بأذنك
تلكاني يامحبوبي بالاحضان
وعني الوجه الاسمر لاتديره
بلياك انه طير وجنحي مكسور
وبدونك فرحة العاذل جبيرة
تره عيونك بدوني اتفارك الشوف
وبدوني تعيش كل عمرك بحيره
تلكاني حبيبي وخذني بيديك
ولاتسمع حجي البايع ضميره
بعد مابيه حيل ازعل وياك
دخيلك هاي زعلتنه الاخيره
ودخيلك هاي.....................
زعلتنه الاخيره.........
للشاعر عادل محسن

[امير الربيعي]

عاشت الايادي على الطرح الجميل ننضتر المزيد من تالقكي الجميل

[نبع المحبة]

عزيزتي


سناريا

كلمات في غاية الروعة والجمال

دمت ودام قلمك

لك ودي

[سلام الدراجي]

اخت سناريا القصيده اكثر من رائعه
صور شاعريه كبيره جدا
حقا اعجبنتي
لكن هل هي من تاليفك لاني لم اجد كلمه منقول
ولا كلمه بقلمي
وتعاليم الاداره واضحه في هذا الشان
تقبلي مروري ومودتي

[عاشقه عيونك]

مشكورررررررررررره سناريا على القصيده

[سناريا]

اخت سناريا القصيده اكثر من رائعه
صور شاعريه كبيره جدا
حقا اعجبنتي
لكن هل هي من تاليفك لاني لم اجد كلمه منقول
ولا كلمه بقلمي
وتعاليم الاداره واضحه في هذا الشان
تقبلي مروري ومودتي

شكراً لك اخي العزيز على المرور
القصيدة ليست منقولة
ولا من تأليفي
هي للشاعر عادل محسن

[سناريا]

شكراً لمروركم جميعاً
تحياتي لكم
نورتو الموضوع

[سامي المشكور]

نتمنى ربنا لايجيب زعل لاحبتنا

تقبلوا مروري