يسالوني على جروحي

[عمار الغزي]

يسالوني عن جروحي
اشصار اشصار ما صار
وكبل ما حجي انه يبجن عيوني

ويسألوني...

على حالي وجن فلا يدرون

جروح هواي بيه وهدت متوني

وأسكت...

ما اجاوب والدموع تسيل

وأجاوب ..

مكاني على اليسألوني

وتكللهم جروح هواي وكعن بي

شعددهن وهمه هواي جرحوني

جرح من ألاحبه وما اظنه يعوف

وهو اول بشر بالناس ينسوني

مذبوح انا بعدك مثل ذبح الطير

ألوب من الم ظنهم يفرحوني

شجاها الروح خايب أمنت بيك

وليش أنجن عليك وينخطف لوني

وماظنيتك انته بلحظه وكـ تخون

وتكرر سوالف ناس خانوني

لكن للاسف والله طلعت بذات

تضحك أنته الشماته ...

وناس بجوني

وجرح ثاني ...

من اخوي وهو اعز الناس

الصرت نور على دربه...

وصعبه يطفوني

جنت احزن لحزنه وابجي دم علي

وبوكت الفرح مايذكر سنوني

وجرح أهلي جبير...

وما اظنه يطيب

وحدي بغربه وحدي هناك ذبوني

هذن هنه الجروح ...

وصعب والله هواي

ومن حي انا والله وناس يرثوني

.....

اعز ناسي ذبحوني أو رثوني

ومثل شعل الجكارة ورثوني

خير الناس تورث او ورثوني

حزن ودموع واهات واذيه .[/

منقول

[سلام الدراجي]

تسلم عمار وعاشت ايدك اخويه العزيز
مشكور على النقل
دوم التواصل والابداع
تقبل تحياتي وتقديري

[عمار الغزي]

حبيي سلام كلك حضور وتواجد
لا حرمني الله وجودك
نورت صفحتي اخي الغالي

[أنثى شرقية]

وصعب والله هواي

ومن حي انا والله وناس يرثوني



والله وعاشت اناملك لنقلك المميز اخوي عمار
دوم الموفقيه والابداع
تحياتي

[نبع المحبة]

الاخ الكريم

عمار

قصيدة في غاية الروعة والجمال

عزفت فيها اروع الالحان

لك مني كل التقدير والاحترام

شكرا الك
شعر غاااااااااية في الروعة

[الشاعركريم السلطاني]

ما اجاوب والدموع تسيل

وأجاوب ..

مكاني على اليسألوني
حياك ياعمار على نقل هذة القصيدة الرائعة تحياتي لك لكن تقل وتجاوب بدل من اجاوب لان يقصد هنا بالعيون وشكرا
السلطاني

[سناريا]

تسلم على هذا الاختيار الرائع
والقصيدة الجميلة جداً
والكلمات المعبرة
تقبل ودي